மெக்சிகோவில் தீவிரமடையும் கொரோனா வைரஸ் – மொத்த எண்ணிக்கை 3.75 இலட்சத்தையும் கடந்தது.

உலகம் முழுவதும் கொரோனா வைரஸ் தாக்கத்தினால் பாதிப்படைந்தோரின் எண்ணிக்கை 1.60 கோடியையும் கடந்துள்ளது. அத்துடன் 6.45 இலட்சத்துக்கும் அதிகமானோர் உயிரிழந்துள்ளனர்.

கொரோனா வைரஸ் தாக்கத்தினால் பாதிக்கப்பட்ட நாடுகளில் மெக்சிகோ தற்போது 6 ஆவது இடத்தில் உள்ளது.

இந்நிலையில், மெக்சிகோவில் கொரோனா வைரஸினால் பாதிக்கப்பட்டோரின் எண்ணிக்கை 3.78 இலட்சத்தைக் கடந்துள்ளது.
உரிரிழந்தோரின் எண்ணிக்கை 42 ஆயிரத்தை கடந்துள்ளது.

2.42 இலட்சத்துக்கும் அதிகமானோர் கொரோனா பாதிப்பில் இருந்து குணமடைந்துள்ள அதேவேளை 92 ஆயிரத்துக்கும் மேற்பட்டோர் சிகிச்சை பெற்று வருவதாக மெக்சிக்கோவின் சுகாதாரத் துறை தெரிவித்துள்ளது.