முன்னாள் நாடாளுமன்ற உறுப்பினர் தர்மலிங்கத்தின் நினைவு தினம்

முன்னாள் பாராளுமன்ற உறுப்பினர் வி.தர்மலிங்கத்தின் 35ஆம் ஆண்டு நினைவு தினம் யாழ்ப்பாணம் தாவடி பகுதியில் உள்ள அவரது நினைவிடத்தில் இன்று(2) காலை இடம்பெற்றது.

வி.தர்மலிங்கத்தின் மகன் சித்தார்த்தன் தலைமையில் இடம்பெற்ற இந் நிகழ்வில் மறைந்த தர்மலிங்கத்தின் நினைவுத் தூபிக்கு மாலையிட்டு மலர் தூவி அஞ்சலி செலுத்தப்பட்டது.

இந் நிகழ்வில் யாழ் பல்கலைக்கழக துணைவேந்தர் சிறிசற்குணராஜா, இலங்கை தமிழரசுக் கட்சியின் தலைவர் மாவை சேனாதிராஜா, வடக்கு மாகாண அவைத்தலைவர் சீ.வீ.கே. சிவஞானம் மற்றும் உள்ளூராட்சி உறுப்பினர்கள், ஆதரவாளர்கள், பொதுமக்கள் என பலரும் கலந்து கொண்டனர்.