மோட்டார் சைக்கிள் நேருக்கு நேர் மோதி மூவர் படுகாயம்

யாழ்ப்பாணம் – சித்தங்கேணி, பண்டத்தரிப்பு வீதியில் நேற்று இரவு இரண்டு மோட்டார் சைக்கிள்கள் நேருக்கு நேர் மோதியதில் மூவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

சித்தங்கேணியில் இருந்து பண்டத்தரிப்பு நோக்கி ஒரு மோட்டார் சைக்கிளில் பயணித்த இருவரும் பண்டத்தரிப்பில் இருந்து சித்தங்கேணி நோக்கி மோட்டார் சைக்கிளில் பயணித்த ஒருவருமே விபத்துக்குள்ளாகியுள்ளனர்.

இவர்களில் இருவருக்கு தலையில் பலத்த காயமேற்பட்டுள்ளதுடன், ஒருவருக்கு காலில் முறிவு ஏற்பட்டுள்ளது. விபத்துக்குள்ளானவர்கள் தெல்லிப்பளை பிரதேச வைத்தியசாலையில் அனுமதிக்கப்பட்டுள்ளனர். இது தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.