SJB-NPP விவாதத்தில் பங்கேற்க முடியாது : வழக்கறிஞர்கள் சங்கம்

By தமிழினி On Apr 29, 2024

ஐக்கிய மக்கள் சக்தி மற்றும் தேசிய மக்கள் சக்தி ஆகிய கட்சிகளுக்கு இடையிலான விவாதத்தை தற்சமயம் ஏற்பாடு செய்வதில் பங்கேற்க முடியாது என இலங்கை சட்டத்தரணிகள் சங்கம் தீர்மானித்துள்ளது.

சங்கத்தின் பொதுக்குழு கூட்டத்தில் இந்த முடிவு ஒருமனதாக எடுக்கப்பட்டது.

இந்த விவாதத்தில் சட்டத்தரணிகள் சங்கம் தலையிடுமாறு ஐக்கிய மக்கள் சக்தி நாடாளுமன்ற உறுப்பினர் நளின் பண்டார கோரிக்கை விடுத்திருந்தார்.

அதன்படி, அதன் தலைவர் இந்தப் பிரேரணையை பொதுச் சபையில் சமர்ப்பித்துள்ளார்.

ஜனாதிபதித் தேர்தலுக்கான வேட்புமனுக்கள் கோரப்படாததாலும், போட்டியிடும் வேட்பாளர்கள் தெளிவாக வரையறுக்கப்படாததாலும் இருவரை மாத்திரம் உள்ளடக்கி விவாதம் நடத்துவது சிக்கலாக உள்ளதாக சட்டத்தரணிகள் சங்கம் தெரிவித்துள்ளது.