பிரிட்டிஷ் பிரதமர் திடீர் தேர்தலுக்கு அழைப்பு

பிரித்தானிய பிரதமர் ரிஷி சுனக் ஜூலை 4 ஆம் தேதி அவசர பொதுத் தேர்தலை நடத்த முடிவு செய்துள்ளார்.

மூன்றாம் சார்லஸ் மன்னர் ஒப்புதல் அளித்துள்ள நிலையில், நாடாளுமன்றம் கலைக்கப்பட உள்ளது.

ரிஷி சுனக் கூறுகையில், 2022 அக்டோபரில் 11.2 சதவீதமாக இருந்த பணவீக்கம் தற்போது 2.3 சதவீதமாக குறைந்துள்ளது.

சிறந்த எதிர்காலத்தை நோக்கி நகர்வதா அல்லது குழப்பமான நிலைக்கு திரும்புவதா என்பதை இந்த நேரத்தில் தீர்மானிக்க வேண்டியது அவசியம் என அவர் குறிப்பிட்டுள்ளார்.

மோசமான பொருளாதாரம் மற்றும் உள் மோதல்கள் காரணமாக ரிஷி சுனக்கின் பழமைவாதக் கட்சி மக்கள் ஆதரவில் சரிவைச் சந்தித்த நேரத்தில் தேர்தல் அறிவிக்கப்பட்டுள்ளது.

கணக்கெடுப்பு அறிக்கைகளின்படி, தொழிலாளர் கட்சி கன்சர்வேடிவ் கட்சியை விட சுமார் 20 சதவீத மக்கள் ஆதரவை தக்க வைத்துக் கொண்டுள்ளது.