வாக்கெடுப்புக்கு சட்ட கலந்துரையாடல்கள் .. ஜூலையில் புரட்சியொன்று..

எதிர்வரும் நாட்களில் சர்வஜன வாக்கெடுப்பு நடத்துவது தொடர்பில் பல சுற்று கலந்துரையாடல்கள் இடம்பெற்றுள்ளதாக உயர்மட்ட அரசியல் வட்டாரங்கள் தெரிவிக்கின்றன.

இது தொடர்பில், பத்ரமுல்லையில் உள்ள பிரபல ஹோட்டல் ஒன்றில் இடம்பெற்ற இரண்டு கலந்துரையாடல்களில், ஜே.ஆர்.ஜயவர்தன நடத்திய முறையில் வாக்கெடுப்பு நடத்துவது தொடர்பில் சட்ட நிபுணர்களிடம் கருத்து கேட்கப்பட்டது.

மேலும், நீதிமன்றத்தில் இருந்து தடைகள் ஏற்பட்டால் மேற்கொள்ள வேண்டிய மாற்று வழிகள் குறித்தும் ஆலோசிக்கப்பட்டது.

வாக்கெடுப்பு நடத்துவதற்கு இரண்டு சாத்தியங்கள் இருப்பதாக சட்ட நிபுணர்கள் சுட்டிக்காட்டியுள்ளனர்.

நாட்டின் தேசிய ரீதியில் முக்கியத்துவம் வாய்ந்த எந்தவொரு பிரச்சினையையும் ஜனாதிபதி குறிப்பிட முடியும் எனவும், பாராளுமன்ற சட்டமூலத்தின் மூலம் மூன்றில் இரண்டு பங்கினால் நிறைவேற்றப்பட்ட சட்டமூலத்தை உச்ச நீதிமன்றம் நிராகரித்தால் அது சர்வஜன வாக்கெடுப்புக்கு செல்ல முடியும் எனவும் சுட்டிக்காட்டப்பட்டுள்ளது.

எதிர்வரும் ஜூலை மாதம் வாக்கெடுப்பு நடத்துவது குறித்து அரசாங்கம் கவனம் செலுத்தி வருவதாக அந்த வட்டாரங்கள் மேலும் கூறுகின்றன.