முறுகலை ஏற்படுத்துவது போல யாழ்.கடலோரத்திற்கு வந்து மீன் பிடித்துக்கொண்டிருந்த 04 இந்திய மீனவ கொள்ளையர்கள் கைது…

நேற்று (3) யாழ்ப்பாணம் கடற்கரையை அண்மித்த கோவிலன் கலங்கரை விளக்கத்திற்கு அருகில் இலங்கை கடற்பரப்பில் அத்துமீறி மீன்களை பிடித்துக் கொண்டிருந்த இந்திய மீனவர்கள் நால்வரும் அவர்களது படகும் கடற்படை மற்றும் கரையோர பாதுகாப்பு அதிகாரிகளினால் கைது செய்யப்பட்டுள்ளது.

இந்தியாவின் இராமேஸ்வரம் பகுதியில் இருந்து வந்த இந்த நான்கு இந்திய மீனவர்களும் யாழ்ப்பாணம் எல்லைக்கு வந்து மீன்களை பிடித்ததுடன், அவர்களிடம் இருந்து பிடிபட்ட 800 கிலோ மீனை கடற்படையினர் கைப்பற்றி, அங்கிருந்த மீன்களை கடலில் வீசி அழித்துள்ளனர்.

இந்திய மீனவர்கள் வந்த கப்பல் காங்கேசன்துறை கடற்படை முகாமில் தடுத்து வைக்கப்பட்டுள்ளதுடன், மேலதிக விசாரணைகளுக்காக நான்கு மீனவர்களும் யாழ்ப்பாணம் கடற்றொழில் அதிகாரிகளிடம் ஒப்படைக்கப்பட்டனர்.

மீனவர்களிடம் விசாரணைகளை மேற்கொண்ட மீன்பிடி அதிகாரிகள் அவர்களை யாழ்ப்பாணம் மல்லாகம் நீதிமன்றில் ஆஜர்படுத்த நடவடிக்கை எடுத்துள்ளனர்.