ஹரினிடம் இருந்து சஜித்துக்கு சவால்!

SJB கட்சியின் வெற்றிடமான தேசியப் பட்டியல் நாடாளுமன்ற உறுப்பினர் பதவியை ஹிருணிகா பிரேமச்சந்திரவுக்கு கொடுத்து, அவர் யாருக்கும் அடிபணியாத ஒருவர் என காட்டுமாறு எதிர்க்கட்சித் தலைவர் சஜித் பிரேமதாசவுக்கு சவால் விடுவதாக முன்னாள் அமைச்சர் ஹரின் பெர்னாண்டோ தெரிவித்துள்ளார்.

அண்மையில் பதுளையில் நடைபெற்ற ஜயகமுவ கூட்டத்தில் அவர் இதனைக் குறிப்பிட்டுள்ளார்.

இதில் கலந்து கொண்டு உரையாற்றிய ஹரின் பெர்னாண்டோ, திருமதி ஹிருணிகா பிரேமச்சந்திரவுக்கு தேசியப்பட்டியல் நாடாளுமன்ற உறுப்பினர் பதவியை வழங்க முடியும் என்றாலும், சஜித்துக்கு பாராளுமன்ற உறுப்பினர் பதவியை வழங்குவதற்கு ஒரு குறிப்பிட்ட அலைவரிசை இடமளிக்காது என தெரிவித்தார்.

இந்த நாட்டின் அரசியல் தனியார் அலைவரிசைகளால் கட்டுப்படுத்தப்படுவதாகத் தெரிவித்த ஹரின் பெர்னாண்டோ, முடிந்தால் ஹிருணிகா பிரேமச்சந்திரவுக்கு நாடாளுமன்ற உறுப்பினர் பதவி வழங்கினால், யாருக்கும் அடிபணியாத ஒருவராக சஜித் பிரேமதாசவை ஏற்றுக்கொள்வேன் என மேலும் தெரிவித்தார்.