இத்தாலியில் உல்லாசப் படகு மூழ்கியது – 6 பேரைத் தேடும் பணிகள்.

இத்தாலியின் தெற்கே இருக்கும் சிசிலி (Sicily) தீவுக்கு அப்பால் உல்லாசப் படகு மூழ்கியதில் காணாமற்போன 6 பேரைத் தேடும் நடவடிக்கை தொடர்கிறது.

பிரிட்டிஷ் செல்வந்தர் மைக் லின்ச் (Mike Lynch), Morgan Stanley International நிதி நிர்வாக நிறுவனத்தின் தலைவர் ஜொனதன் புலூமர் (Jonathan Bloomer) ஆகியோரையும் காணவில்லை.

திடீர் என்று ஏற்பட்ட மிகப்பெரிய நீர் அலையால் உல்லாசப் படகு மூழ்கியதாகச் சொல்லப்படுகிறது.

15 பேர் மீட்கப்பட்டனர். ஒருவர் மாண்டார்.

‘Bayesian’ என்ற அந்தப் பிரிட்டிஷ் உல்லாசப் படகு 56 மீட்டர் நீளம்கொண்டது.

திடீர் அலை வீசிய நேரத்தில் படகு கரையிலிருந்து ஒரு கிலோமீட்டர் தூரத்தில் கட்டப்பட்டிருந்தது.

இப்போது அது 50 மீட்டர் ஆழத்தில் கிடக்கிறது.

பெரும்பாலான பொழுதுபோக்கு முக்குளிப்பார்கள் அந்த அளவு ஆழத்துக்குச் செல்ல பயிற்சிபெற்றிருக்க மாட்டார்கள் என்பதால் மீட்புப்பணியில் தடங்கல் ஏற்பட்டுள்ளது.