ரணிலின் வெற்றி உறுதி – தமிழரசு கட்சி தலைவர் மாவை சேனாதிராஜா தெரிவிப்பு!

ஜனாதிபதித் தேர்தலில் சுயேட்சை வேட்பாளராகப் போட்டியிடும் ஜனாதிபதி ரணில் விக்கிரமசிங்க வெற்றி பெறுவார் என நம்புவதாக மாவே சேனாதிராஜா தெரிவித்துள்ளார்.

ஜனாதிபதி ரணில் விக்கிரமசிங்கவுக்கும் , இலங்கைத் தமிழ் அரசுக் கட்சியின் தலைவர் மாவை சேனாதிராஜாவுக்கும் இடையில் நேற்று (07) இரவு காங்கேசன்துறையில் உள்ள மாவை சேனாதிராஜாவின் வீட்டில் இடம்பெற்ற சந்திப்பின் போதே அவர் மேற்கண்டவாறு தெரிவித்தார்.

தனது வெற்றியின் பின்னர் தீர்க்கப்படாத வடக்கின் பிரச்சினைகளை தீர்த்து வைப்பதுடன் , வடக்கு மக்களுக்காக பல பணிகளை ஜனாதிபதி செய்ய வேண்டும் என சேனாதிராஜா ஜனாதிபதியிடம் தெரிவித்ததாக ஜனாதிபதி ஊடகப்பிரிவு தெரிவித்துள்ளது.

எவ்வாறாயினும், இலங்கைத் தமிழ் அரசுக் கட்சியின் ஊடகக் குழு ஒன்று கூடி, சமகி ஜன பலவேகவுக்கு ஆதரவளிக்க தீர்மானித்ததாக அக்கட்சியின் ஊடகப் பேச்சாளர் எம். சுமந்திரன் தெரிவித்தார்.

ஆனால் இந்த அறிக்கை வெளியிடப்பட்ட சிறிது நேரத்திலேயே அக்கட்சியின் தலைவர் மாவை சேனாதிராஜா, சமகி ஜன பலவேகவை ஆதரிக்கும் கட்சியின் தீர்மானம் குறித்து தமக்கு கூட தெரியாது என்று கூறினார்.