காட்டு யானை தாக்கி குடும்பஸ்தர் மரணம்!

காட்டு யானை தாக்கி மூன்று பிள்ளைகளின் தந்தை உயிரிழந்துள்ளார்.

இந்தச் சம்பவம் அம்பாந்தோட்டை, அம்பலாந்தோட்டை கொக்கல்ல பிரதேசத்தில் நேற்று திங்கட்கிழமை இடம்பெற்றுள்ளது.

அம்பலாந்தோட்டை, கொக்கல்ல பிரதேசத்தைச் சேர்ந்த 48 வயதுடைய மூன்று பிள்ளைகளின் தந்தையே சம்பவத்தில் உயிரிழந்துள்ளார்.

இவர் தனது பிரதேசத்துக்குள் அத்துமீறி நுழைந்த யானைக் கூட்டத்தைத் துரத்துவதற்காகப் பிரதே மக்களுடன் இணைந்து சென்றிருந்தபோது யானைகளில் ஒன்று தாக்கி உயிரிழந்துள்ளார் என்று அம்பலாந்தோட்டை பொலிஸார் தெரிவித்துள்ளனர்.

இந்தப் பிரதேசத்துக்குள் அடிக்கடி காட்டு யானைகள் கூட்டமாக நுழைவதால் அதிகளவான சொத்துக்களுக்கும் மற்றும் உயிர்களுக்கும் சேதங்கள் ஏற்படுகின்றன என்று பிரதேச மக்கள் கவலை தெரிவித்துள்ளனர்.