ரயில் மோதி பெண்ணொருவர் மரணம்!

வவுனியா, ஓமந்தையில் ரயில் மோதி பெண் ஒருவர் உயிரிழந்துள்ளார்.

யாழ்ப்பாணத்தில் இருந்து வவுனியா நோக்கி (10) செவ்வாய்க்கிழமை மாலை சென்ற ரயில், புளியங்குளம் பகுதியைக் கடந்து ஓமந்தையை நோக்கி நகர்ந்தபோது ரயில் தண்டவாளத்தில் நடந்து சென்ற பெண் மீது ரயில் மோதி விபத்துக்குள்ளானது.

மேற்படி பெண் சம்பவ இடத்திலேயே மரணமடைந்துள்ளார் என்று ஓமந்தைப் பொலிஸார் தெரிவித்தனர்.

சுமார் 40 வயது மதிக்கத்தக்க பெண்ணே உயிரிழந்தார் என்றும், இதுவரை சடலம் அடையாளம் காணப்படவில்லை என்றும் பொலிஸார் குறிப்பிட்டனர்.

இந்தச் சம்பவம் தொடர்பில் மேலதிக விசாரணைகள் இடம்பெற்று வருகின்றன என்றும் ஓமந்தைப் பொலிஸார் மேலும் தெரிவித்தனர்.