செயிண்ட் தெரேசா மூத்தோர் பராமரிப்பு இல்லத்திற்குச் சென்ற போப் பிரான்சிஸ்

போப் பிரான்சிஸ் இன்று காலை செயிண்ட் தெரேசா மூத்தோர் பராமரிப்பு இல்லத்திற்குச் சென்றிருந்தார்.

இல்லத்திற்குச் செல்லும் பாதையில் ஊழியர்கள் வரிசையில் நின்று அவரை வரவேற்றனர்.

போப் காலை 9.30 மணிக்கு இல்லத்தைச் சென்றடைந்தார்.

செயிண்ட் தெரேசா இல்லத்தைச் சேர்ந்த 80 மூத்தோரும் செயிண்ட் ஜோசப், வில்லா பிரான்சிஸ் ஆகிய இல்லங்களைச் சேர்ந்த 20 மூத்தோரும் அவரைக் காண ஆவலாக இருந்தனர்.

சக்கர நாற்காலிகளில் வந்தவர்களுக்கு இடம் ஒதுக்க
இல்லத் தேவாலயத்தின் இருக்கைகள் தற்காலிகமாக அகற்றப்பட்டன.

அங்கு அரை மணிநேரம் செலவழித்த போப் இல்லத்தில் வசித்தவர்களுக்கு ஆசி வழங்கினார்.