சஜித்துக்கு ஆதரவு என தமிழரசு கட்சி அறிவிப்பு : தலைமைகள் எதிர்ப்பு.

ஜனாதிபதி தேர்தலில் சஜித் பிரேமதாசவுக்கு ஆதரவளிக்கப்போவதாக இலங்கை தமிழரசு கட்சி அறிவிப்பு வெளியிட்டுள்ளது.

வவுனியாவில் (12) நடைபெற்ற கட்சியின் மத்திய செயற்குழு கூட்டத்தின் பின்னர் இந்த அறிவிப்பு வெளியிடப்பட்டுள்ளது.

இந்த அறிவிப்பு வெளியாகி ஒரு மணித்தியாலத்தில் இலங்கை தமிழரசு கட்சி தலைவரும் கிளிநொச்சி மாவட்ட பாராளுமன்ற உறுப்பினருமான மத்திய குழுவின் தீர்மானத்தில் தமக்கு உடன்பாடில்லை என பாராளுமன்ற உறுப்பினர் எஸ்.சிறிதரன் தெரிவித்துள்ளார்.

முன்னாள் நாடாளுமன்ற உறுப்பினர் மாவை சேனாதிராஜாவும் மத்திய குழு எடுத்த தீர்மானத்தை விரும்பவில்லை.

சுமந்திரன் எம்.பி.யின் பலத்த செல்வாக்கு காரணமாகவே இந்த தீர்மானத்தை கட்சி எடுத்துள்ளதாக கட்சியின் குழுவொன்று குற்றம் சுமத்தியுள்ளது.