குளியாபிட்டியவில் பிரமாண்ட வாகனம் ஒன்றுசேர்க்கும் (அசெம்பிளிங்) தொழிற்சாலை திறந்து வைக்கப்பட்டது

நாட்டின் வாகனம் ஒன்றுசேர்க்கும் தொழிற்துறையில் தனித்துவமான ஒரு திருப்புமுனையை குறிக்கும் வகையில், குளியாப்பிட்டிய வெஸ்டர்ன் ஆட்டோமொபைல் அசெம்ப்ள் பிரைவேட் லிமிடெட் (WAA) நவீன வாகன அசெம்பிளிங் தொழிற்சாலை ஜனாதிபதி ரணில் விக்கிரமசிங்கவினால் இன்று (17) திறந்து வைக்கப்பட்டது.

தெற்காசியாவின் மிகப்பெரிய வாகன அசெம்பிளிங் ஆலையான வெஸ்டர்ன் ஆட்டோமொபைல் அசெம்பிளி பிரைவேட் லிமிடெட் தொழிற்சாலையின் மதிப்பு 27 மில்லியன் அமெரிக்க டாலர்கள்.

இந்த தொழிற்சாலையில் அசெம்பிள் செய்யப்பட்ட முதல் வாகனம், 15 இருக்கைகள் கொண்ட பயணிகள் வேன், இம்மாத இறுதியில் சந்தைக்கு வர உள்ளது.

உலகளாவிய வாகன நிபுணர்களால் வடிவமைக்கப்பட்ட அதி உயர்தர சர்வதேச இயந்திரங்களைக் கொண்ட இத்தொழிற்சாலை இளைஞர்களுக்கு நேரடி மற்றும் மறைமுக வேலைவாய்ப்புகளை உருவாக்கும் என ஜனாதிபதி ஊடகப் பிரிவு தெரிவித்துள்ளது.

மேலும், உலகளாவிய தொழில்துறை தேவைகளுக்கு இணங்க, சர்வதேச அளவிலான தொழிற்பயிற்சி நிறுவனமும் இங்கு பராமரிக்கப்பட்டு வருவதுடன், இப்பயிற்சியின் மூலம் இந்நாட்டு இளைஞர்கள் வெளிநாட்டு வேலைகளுக்கு விண்ணப்பிக்கும் வாய்ப்பும் வழங்கப்படும்.

இன்று பிற்பகல் குளியாப்பிட்டியவில் உள்ள வெஸ்டர்ன் ஆட்டோமொபைல் அசெம்ப்ளி பிரைவேட் லிமிடெட் (WAA) நவீன வாகனங்களை ஒன்றிணைக்கும் தொழிற்சாலைக்கு ஜனாதிபதி ரணில் விக்கிரமசிங்க அவர்கள் விஜயம் செய்ததுடன், பலகையை திரைநீக்கம் செய்து தொழிற்சாலையையும் திறந்து வைத்தார்.