இன்று 88-89 பற்றி பேசும் போது அனுர ஒளிந்து கொள்கிறார் – லஹிரு வீரசேகர ஆவேசம்

இலங்கையில் சோசலிசத்திற்காக தனது உயிரை தியாகம் செய்த அமைப்பின் அநுர , இன்று 88-89 பற்றி பேசும் போது ஒளிந்து கொள்கிறார் என அரகலய (மக்கள் போராட்டக் கூட்டணி) கூட்டணியின் லஹிரு வீரசேகர தெரிவித்துள்ளார்.

கிரிபத்கொட நகரில் நேற்று (18) இடம்பெற்ற மக்கள் சந்திப்பில் கலந்து கொண்டு உரையாற்றும் போதே அவர் மேற்கண்டவாறு தெரிவித்தார்.

அங்கு மேலும் கருத்து தெரிவித்த லஹிரு வீரசேகர.

கடந்த தேர்தல் முடிவுகள்

2024 ஜனாதிபதி தேர்தலுக்கு இன்னும் சில நாட்களே உள்ளன. இதற்கிடையில் ஒரு தேர்தல் முடிவை சொல்ல வேண்டும்.

2019 ஜனாதிபதித் தேர்தலில் 69 லட்சம் வாக்குகளைப் பெற்று கோத்தபாய ராஜபக்ச ஜனாதிபதியானார். முடிவுகள் என்ன? இலங்கையின் கடன் நூறு பில்லியன் டொலர்களாக அதிகரித்துள்ளது. கல்வி மற்றும் சுகாதாரத்தை விற்கும் சட்டம் வரத் தொடங்கியது. நானூறுக்கும் மேற்பட்ட அரசுக்குச் சொந்தமான நிலங்களை விற்கத் திட்டமிடப்பட்டது. இந்தியா வந்து துறைமுகத்தின் வடக்கே எண்ணெய்க் கப்பல்களையும் தீவுகளையும் கேட்க ஆரம்பித்தது. சர்வதேச நாணய நிதியத்தின் நிபந்தனைகளை அமல்படுத்தக் காத்திருக்கும் வேளையில், பொருளாதார மாற்றச் சட்டம் என்ற கொள்ளையடிக்கும் மசோதா நாடாளுமன்றத்தில் நிறைவேற்றப்பட்டது. அவைதான் கடந்த காலத்தில் மக்கள் பெற்ற வாக்குகளின் முடிவுகள்.

இன்று இந்த மேடையில் இருக்கும் இடதுசாரி அரசியல் கட்சிகள், இன்று இந்த மேடையில் இருக்கும் இந்த தோழர்கள் அனைவரும் இந்த சமுதாயத்திற்கு வெற்றிகளை பெற்றுத்தர களத்தில் இறங்கி போராடியவர்கள். “தோல்வி முதலாளித்துவத்திற்கு – வெற்றி சோசலிசத்திற்கு ” அதுவே நமது விருப்பம். நம் தேர்வு சரியா என்று பலர் இன்னும் நம்மிடம் கேட்கிறார்கள். இந்த 21ம் திகதிக்குப் பிறகு எங்களின் தெரிவு சரியானது என்பதை இந்த தேசத்திற்கு காட்டுவோம் என்று சொல்கிறோம்.

அநுர சொல்வதற்கு பயப்படும் வசனம்? சோசலிசம்

இலங்கையில் சோசலிசத்திற்காக தனது உயிரை தியாகம் செய்த வர்த்தகர் அனுர, 88, 89 காலத்தைப் பற்றி பேசும் போது இன்று ஒளிந்து கொள்கிறார். சோசலிசம் என்ற வார்த்தையைச் சொல்லவே பயப்படுகிறார். இவ்வாறான அமைப்புகளுடன் சென்று இந்த போராட்டத்தைக் காட்டிக் கொடுக்க நாம் தயாராக இல்லை. வரலாற்றில் முதல் முறையாக மக்கள் கொள்கையை கொண்டு வந்துள்ளோம். அந்தக் கொள்கைகளுக்குள் தேசியப் பிரச்சினைக்குத் தீர்வு காண்பதற்கான முன்மொழிவுகள் உள்ளன. தமிழர்கள், முஸ்லிம்கள் மற்றும் மலையகத் தமிழர்களுக்கான சுயாட்சி பகுதிகளை வழங்குவது குறித்து முடிவெடுக்க அதிகாரம் அளிக்கும் திட்டத்தை அரசியலமைப்பில் அறிமுகப்படுத்துவோம். இனவாத தீர்மானங்களை தோற்கடிக்கும் திவி மண்டல தீர்மானத்தை கொண்டு வருவோம். இவற்றைச் சொல்வதற்கு நாங்கள் பயப்படவில்லை. அதனால் தான் மக்களுக்கு விசுவாசமான ஒரே வேட்பாளர் நுவான் போபகே என்று அச்சமின்றி கூறுகிறோம்.

எங்களின் முழக்கம் வெல்ல வேண்டும் – அரகலய போராளி ஜெஹான் அப்புஹாமி

“நாங்கள் சோசலிசத்தில் நம்பிக்கை கொண்ட சிவப்பு மேடையில் இருக்கிறோம். தொழிலாளி, மீனவர், விவசாயி, மாணவர்களுக்காக பேசும் மேடை இது. இப்போது நீங்கள் கலைஞராக அந்த (திசைகாட்டி) மேடையில் அல்லவா இருக்க வேண்டும் என சிலர் கேட்கிறார்கள், ஆனால் நான் மாறவில்லை என முதுகெலும்பு உள்ளவனாக சொல்கிறேன். நான் இன்னும் இந்த நாட்டின் மக்களின் ஆதரவான தளத்தில் இருக்கிறேன். அலை எப்படியும் கரையைில் மோதும். ஆனால் அந்த அலை மீண்டும் கடலுக்குச் திரும்பிச் செல்லும் என்பதை அனைவரும் நினைவில் கொள்ளுங்கள். நாம் வெற்றி பெற்றாலும் தோற்றாலும் கவலை இல்லை. நமது முழக்கங்ளோடு நிச்சயம் வெல்வோம். உண்மையான இடதுசாரி இயக்கம் அப்படித்தான் செயல்படுகிறது. அதனால், இந்த 21 தளும்பாது , குடை சின்னத்துக்கு வாக்களியுங்கள்” என்றார் அரகலய போராளியான கலைஞர் ஜெஹான் அப்புஹாமி.