1 லட்சத்துக்கும் அதிகமானோர் விவசாயத்தை கைவிட்டுள்ளனர்.

இலங்கையில் விவசாயத் துறையில் ஒரு வருடத்திற்குள் 100,000 இற்கும் அதிகமானோர் தமது விவசாய வேலைகளை விட்டுச் சென்றுள்ளதாக பேராதனைப் பல்கலைக்கழகத்தின் பொருளாதாரம் மற்றும் புள்ளிவிபரவியல் திணைக்களத்தின் பேராசிரியர் வசந்த அத்துகோரல தெரிவித்துள்ளார்.

மக்கள் தொகை மற்றும் புள்ளியியல் துறை வெளியிட்டுள்ள அறிக்கையின்படி, இது உறுதி செய்யப்பட்டுள்ளது என அவர் கூறினார்.

அவர் மேலும் கருத்துத் தெரிவிக்கையில், இந்த நாட்டில் விவசாயத் துறையில் நிலவும் பல்வேறு பிரச்சினைகளால் மக்கள் விவசாய வேலைகளை விட்டு வெளியேறி வருவதுடன் நாட்டுக்குத் தேவையான விவசாயப் பொருட்களின் உற்பத்தி குறைந்து வருவதாகவும் தெரிவித்தார்.

இந்நிலை நீடித்தால் நாட்டின் பொருளாதாரம் பாரியளவில் பாதிக்கப்படும் என பேராசிரியர் வசந்த அத்துகோரள மேலும் தெரிவித்துள்ளார்.

“கடந்த ஒரு வருடத்தில் விவசாயத் துறையில் சுமார் 147,989 பேர் வேலையை விட்டு வெளியேறியுள்ளனர்.

2023 ஆம் ஆண்டின் முதல் காலாண்டில், விவசாயத் துறையில் பணிபுரிந்தவர்களின் எண்ணிக்கை சுமார் 2,187,563 ஆக இருந்தது.

இது 2024 முதல் காலாண்டில் 2,139,574 ஆகக் குறைந்துள்ளது.

2023 ஆம் ஆண்டின் முதல் காலாண்டில், விவசாயத் துறையில் வேலைவாய்ப்பு மொத்த வேலைவாய்ப்பில் 26.7% ஆக இருந்தது.

ஆனால் 2024 முதல் காலாண்டில், இது 25.8% சரிவைக் காட்டுகிறது என்றார் பேராசிரியர் வசந்த அத்துகோரல.