ஹரிணி-விஜிதா முத்திரைகள் செல்லுபடியாகும் முத்திரைகள் அல்ல.. போஸ்ட் மாஸ்டர் ஜெனரல் கொடுத்த விளக்கம்

150வது உலக தபால் தினத்தை முன்னிட்டு பிரதமர் ஹரினி அமரசூரிய மற்றும் அமைச்சர் விஜித ஹேரத் ஆகியோரின் உருவப்படங்களுடன் தபால்தலைகள் தொடர்பில் வெளியிடப்பட்டுள்ள அறிக்கைகள் தொடர்பில் தபால் திணைக்களம் உண்மைகளை தெளிவுபடுத்தியுள்ளது.

அவர்களின் படங்களுடன் கூடிய முத்திரைகள் வெளியிடப்படவில்லை எனவும், நிகழ்வின் பிரதம அதிதிகளாகக் கலந்து கொண்ட இவர்களுக்கு இரண்டு நினைவுப் பரிசுகள் மாத்திரமே வழங்கப்பட்டதாகவும் திணைக்களம் தெரிவித்துள்ளது.

இவை நினைவு முத்திரைகள் வகையைச் சேர்ந்தவை, அவை நினைவுப் பொருட்கள் மட்டுமே என்றும் அவை உத்தியோகபூர்வ அஞ்சல் முத்திரைகள் அல்ல என்றும் தபால் நோக்கங்களுக்காகப் பயன்படுத்தப்படுவதில்லை என்றும் திணைக்களம் குறிப்பிடுகிறது.

எவரும் தங்களுக்கு விருப்பமான படங்களைப் பயன்படுத்தி தனிப்பயனாக்கப்பட்ட முத்திரைகளை உருவாக்கலாம், ஆனால் அதிகாரப்பூர்வ அஞ்சல் சேவைகளுக்கு அவற்றைப் பயன்படுத்த முடியாது என்று திணைக்களம் வலியுறுத்துகிறது.