வாகன விபத்தில் இருவர் மரணம்!

வாகன விபத்தில் இருவர் உயிரிழந்தனர் என்று பொலிஸார் தெரிவித்தனர்.

இந்த விபத்து பொல்கஹவெல – அலவ்வ வீதியில் நேற்று வியாழக்கிழமை இரவு இடம்பெற்றது.

அலவ்வயில் இருந்து பொல்கஹவெல நோக்கிப் பயணித்த மோட்டார் சைக்கிள் ஒன்று வீதியில் நிறுத்தி வைக்கப்பட்டிருந்த பாரவூர்தி மீது மோதியதில் இந்த விபத்து இடம்பெற்றது.

இதன்போது, மோட்டார் சைக்கிளில் பயணித்த இருவரும் படுகாயமடைந்த நிலையில் பொல்கஹவெல வைத்தியசாலையில் சேர்க்கப்பட்டனர். எனினும், இருவரும் அங்கு சிகிச்சை பலனின்றி உயிரிழந்தனர் என்று பொலிஸார் மேலும் குறிப்பிட்டனர்.

பொல்கஹவெல பிரதேசத்தைச் சேர்ந்த 45 மற்றும் 48 வயதுடைய நபர்களே உயிரிழந்தனர்.

விபத்தையடுத்து பாவூர்தியின் சாரதி பொலிஸாரால் கைது செய்யப்பட்டார்.

இது தொடர்பான மேலதிக விசாரணைகளைப் பொல்கஹவெல பொலிஸார் மேற்கொண்டு வருகின்றனர்.