இலண்டனில் இருந்து வந்தவர் பஸ்ஸில் மயங்கி வீழ்ந்து சாவு.

இலண்டனில் இருந்து உறவினரைப் பார்க்க யாழ்ப்பாணம் வந்தவர் மயங்கி வீழ்ந்த நிலையில் மருத்துவமனையில் சேர்க்கப்பட்டு அங்கு உயிரிழந்துள்ளார்.

கணேசராசா தியாகராசா (வயது – 56) என்பவரே இவ்வாறு உயிரிழந்துள்ளார்.

யாழ். கல்வியங்காட்டிலுள்ள உறவினரைப் பார்ப்பதற்காக இலண்டனிலிருந்து வந்த அவர், கடந்த 17ஆம் திகதி பஸ்ஸில் சென்றுள்ளார்.

பஸ்ஸில் மயங்கி வீழ்ந்த நிலையில் யாழ்ப்பாணம் போதனா மருத்துவமனையில் சேர்க்கப்பட்டு, நேற்றுமுன்தினம் (27) உயிரிழந்துள்ளார்.

மரண விசாரணையை யாழ்ப்பாணம் போதனா மருத்துவமனையின் திடீர் மரண விசாரணை அதிகாரி ந.பிறேம்குமார் மேற்கொண்டார்.

சடலம் உடற்கூற்றுப் பரிசோதனைக்கு உத்தரவிடப்பட்டது.