பாவனையில்லா வீட்டில் மறைத்து வைக்கப்பட்டிருந்த 4 கோடி ரூபாய் மதிப்புள்ள மற்றொரு ஜீப் சிக்கியது!

முன்னாள் நாடாளுமன்ற உறுப்பினர் லொஹான் ரத்வத்த பயன்படுத்தியதாக கூறப்படும் போலி இலக்கத் தகடுகள் பொருத்தப்பட்ட சுமார் 4 கோடி பெறுமதியான மற்றுமொரு ஜீப்பை பொலிஸார் கைப்பற்றியுள்ளனர்.

இது தெல்தெனிய பொலிஸ் பகுதி , ஐ.சி.சி. வீட்டு வளாகத்தில் கைவிடப்பட்ட வீட்டின் கேரேஜில் இந்த ஜீப் நிறுத்தப்பட்டிருந்த போது கைப்பற்றப்பட்டுள்ளது.

அதில் போலி நம்பர் பிளேட் பொருத்தப்பட்டுள்ளமையும், அதே எண்ணில் மற்றொரு ஜீப் இருப்பதையும் போலீசார் அடையாளம் கண்டுள்ளனர்.

குறித்த வாகனம் பிலவல பிரதேசத்தைச் சேர்ந்த பெண்ணொருவருக்கு சொந்தமானது எனவும் பொலிஸார் தெரிவிக்கின்றனர்.