பணம் அச்சடிக்கப்பட்டது.. மத்திய வங்கியும் ஏற்றுக்கொண்டது.. விவாதத்திற்கு தயார் : நிமல் லான்சா

தற்போதைய அரசாங்கம் பணத்தை அச்சிடவில்லை என அறிவித்தாலும் வங்கிகளின் பணப்புழக்கத்தை பாதுகாக்க 100 பில்லியன் ரூபாவை அச்சடித்து 600 பில்லியன் ரூபா கடனாக பெற்றுள்ளதாக முன்னாள் பாராளுமன்ற உறுப்பினர் நிமல் லான்சா தெரிவித்தார்.

ஊடகங்களுக்கு கருத்து தெரிவிக்கும் போதே நிமல் லான்சா இந்த கருத்துக்களை வெளியிட்டார்.

மேலும் கருத்து தெரிவித்த நிமல் லான்சா,

இந்த அரசாங்கம் பணம் அச்சடிக்கப்படவில்லை எனக் கூறியது. இந்த அரசாங்கம் வங்கிகளின் பணப்புழக்கத்துக்காக 100 பில்லியன்கள் பணத்தை அச்சடித்துள்ளது என்பது தெளிவாகத் தெரிகிறது. அதனுடன் கடந்த காலத்தில் 600 பில்லியன் கடன் பெற்றுள்ளது.

யாரேனும் இல்லை என்று சொன்னால் எந்த விவாதத்திலும் கலந்து கொள்ள தயாராக இருக்கிறேன். இவர்கள் வங்கிகளின் பணப்புழக்கத்தைப் பாதுகாக்க 100 பில்லியன் பணத்தை அச்சிட்டனர். அதாவது வங்கிகளில் பணத் தட்டுப்பாடு ஏற்பட்டுள்ளது. மத்திய வங்கியின் அறிக்கை, பற்றாக்குறையைக் காப்பாற்றுவதற்காகப் பணம் அச்சடிக்கப்பட்டதாகச் சொல்லாமல் கூறுகிறது.

வங்கிகளில் பணத் தட்டுப்பாடு நிலவுகிறது என்று அர்த்தம், அந்தத் தட்டுப்பாட்டைக் காப்பாற்ற இவர்கள் பணத்தை அச்சிட்டனர். அரசு என்ற முறையில் இவர்கள் சொல்லாமல் ஏற்றுக்கொண்டுள்ளனர். சில வங்கிகளின் பணப்புழக்கம் குறைவாக இருப்பதால், அதை தக்கவைக்க அவர்கள் பணத்தை அச்சிட்டனர் என்பது தெளிவாகத் தெரிகிறது.

ஜனாதிபதி அநுரகுமார என்ன சொன்னாலும், பிரதமர் என்ன சொன்னாலும், மத்திய வங்கி அறிக்கையே பணம் அச்சடித்துள்ளதை ஏற்றுக்கொண்டுள்ளது.

ஜனாதிபதி அநுர எதிர்க்கட்சியில் இருந்ததைப் போன்று பொய் சொல்ல வேண்டாம். பொறுப்பாக இருங்கள். இப்போது முன்பு போல் பொய் சொல்ல முடியாது. மாறுபட்ட கருத்துகளை வெளிப்படுத்த முடியாது. நீங்கள் சரியானதைச் சொல்ல வேண்டும்.

மேலும் அனுரகுமார திஸாநாயக்க மேடையில் இருந்து ஊடகங்களுக்கு அச்சுறுத்தல் விடுத்துள்ளார். தலைப்புகள் தவறானவை. தாங்கள் விரும்பியபடி அவற்றை வைக்க வேண்டுமாம். ஊடகங்களை அப்படி மிரட்ட முடியாது. காரணம் என்ன? பணம் அச்சடிக்கப்பட்டது என்று தலைப்புச் செய்திகள் கூறுகின்றன. காசு அச்சடிக்கப்பட்டது என்றால், அது அச்சடிக்கப்பட்டது என்று சொல்லாமல் ஊடகங்களுக்கு என்ன சொல்லச் சொல்கிறீர்கள்?

ஊடகங்கள் பொய் சொன்னால் பயமுறுத்தினாலும் பரவாயில்லை. ஆனால் ஜனநாயக அமைப்பில் அச்சுறுத்தல்கள் மிகவும் மோசமானது என்பதை ஜனாதிபதிக்கு நினைவுபடுத்த விரும்புகின்றேன்.

மத்திய வங்கி பணம் அச்சடித்துள்ளது என ஒப்புக்கொண்டதாக ஊடகங்கள் செய்தி வெளியிட்டுள்ளன. அனுரகுமார எதிர்க்கட்சியில் இருந்தபோது, ​​எம் மீது முன்வைக்கப்பட்ட விமர்சனங்களை நாங்கள் எடுத்துக் கொண்டோம். எனக்கு போல போல யாரையும் விமர்சிக்கவில்லை. உண்மைகளை முன்வைக்கும் போது அனுரகுமார திஸாநாயக்கவுக்கு வலித்தால், அவர் எம்மைப் பற்றி குற்றம் சாட்டியது போன்று பொய்யான குற்றச்சாட்டுகளை முன்வைத்தால் அது அவருக்கு எந்தளவு வலியை ஏற்படுத்தும்?

ஒரு அரசு பொறுப்புடன் பதில் சொல்ல வேண்டும். பணம் அச்சடித்தார். கடன் வாங்கினார். இனி மக்களை கடனாளிகளாக ஆக்க வேண்டாம் என்று சகோதரர்களான அனுர, விஜித மற்றும் சகோதரி ஹரிணி ஆகியோரிடம் கூற விரும்புகிறேன்.

அரசியலமைப்பு அல்லது பண முகாமைத்துவம் தொடர்பில் ஏதேனும் பிரச்சினை இருப்பின் தம்மிடம் கலந்தாலோசிக்கவும் என ரணில் விக்கிரமசிங்க தெரிவித்துள்ளார். அந்த அறிக்கையை பிரதமர் ஹரிணி நேற்று மேடையில் கேலி செய்வதை பார்த்தேன். ரணில் விக்கிரமசிங்க அரசியல் அனுபவமுள்ள தலைவர். பொருளாதாரம், அரசியல், சர்வதேச விவகாரங்கள், பாராளுமன்ற அமைப்புகள் மற்றும் சட்டம் ஆகியவற்றில் அனுபவம் பெற்ற அரசியல் தலைவர்.

இந்த பிரதமரால் ரணில் விக்கிரமசிங்கவின் அருகில் கூட வர முடியாது. அனுரகுமார திஸாநாயக்கவால் ரணில் விக்கிரமசிங்கவை நெருங்கக்கூட முடியாது. அநுரகுமார திஸாநாயக்க மேடைக்கு மேடை எத்தனை பொய்களை கூறினார்? VAT குறைக்கப்படும். ஆசிரியர்களின் சம்பளம் 6 மாதங்களுக்கு 06 மாதங்களாக அதிகரிக்கப்படும் என்று சொன்னார். இப்போது ரணில் விக்கிரமசிங்க பணம் ஒதுக்கவில்லை என சொல்கிறார்.

ரணில் விக்கிரமசிங்க பணத்தை ஒதுக்கவில்லை என்று வைத்துக் கொள்வோம். எனவே, கடந்த காலங்களில் பொருளாதாரம் மிகவும் வீழ்ச்சியடைந்த போது, ​​உங்கள் தொழிற்சங்கங்கள் ஆசிரியர்களை வீதிக்கு இறக்கி, பாடசாலைகளை மூடி, பிள்ளைகளின் கல்வியை சீர்குலைத்து, ஆசிரியர்களின் சம்பளத்தை அதிகரிக்குமாறு அரசாங்கத்தை தொடர்ச்சியாக வற்புறுத்தியது ஏன் என அனுரகுமார திஸாநாயக்கவிடம் கேட்கிறேன். கொடுப்பனவுகளை அதிகரிக்கச் சொல்லுங்கள். அதனால்தான் ரணில் விக்கிரமசிங்க ஒரு குழுவை அமைத்தார், அந்த குழு இந்த மக்களுக்கு பணம் கொடுக்க வேண்டும் என்று ஏற்றுக்கொண்டது. நாங்கள் பணத்தை ஒதுக்கவில்லை என்றால், நீங்கள் அதை இப்போது செய்யலாம்.

எதிர்க்கட்சியில் இருந்து அநுரகுமார என்னதான் தம்பட்டம் அடித்தாலும், இன்று அவர்களால் அரசாங்கத்தை நடத்த முடியாது. அரசு தோல்வியடைந்துள்ளது. முட்டை விலையை கட்டுப்படுத்த முடியவில்லை. தேங்காய் விலையை கட்டுப்படுத்த முடியவில்லை. ரைஸ் மில் உரிமையாளர்களை அழைத்து வந்து புரிந்து கொண்டு செயல்பட விரும்புகிறோம் என்கிறார். எதுவாக இருந்தாலும் மக்களுக்கு அரிசி விலையை குறையுங்கள். இன்று ஒரு கிலோ அரிசி வாங்க முடியாமல் மக்கள் கடைக்குக் கடை ஓடுகிறார்கள்.

அநுரகுமார இப்போது தற்பெருமை காட்ட வேண்டியதில்லை. இப்போது ஜனாதிபதி என்ற வகையில் நிதானத்துடன் செயற்படுமாறு அனுரகுமார திஸாநாயக்கவிடம் கூற விரும்புகின்றேன். ஊடகங்களுக்கு அச்சுறுத்தல் விடுக்காமல் ஜனநாயக ரீதியில் நடந்து கொள்ளுமாறு நாங்கள் உங்களுக்கு கூற விரும்புகின்றோம் என நிமல் லான்சா மேலும் தெரிவித்தார்.