பெல்ஜியத்தில் 25 வயது சிங்கப்பூரர் கத்தியால் குத்திக் கொலை.

பெல்ஜியத்தின் பிரசல்ஸில் 25 வயது சிங்கப்பூர் மாணவர் கத்தியால் குத்திக் கொல்லப்பட்டார்.

அதன் தொடர்பில் இரு சந்தேக நபர்கள் கைதுசெய்யப்பட்டுள்ளனர்.

இருவருக்கும் வயது 18.

சம்பவம் நேற்று (7 நவம்பர்) Sint-Pietersstraat பகுதியில் நடந்ததாக 8 World செய்தித்தளம் குறிப்பிட்டது.

மாண்ட சிங்கப்பூரர் KU Leuven பல்கலைக்கழகத்தில் பயின்றார்.

அந்த மாணவர் சக வகுப்பு மாணவிகள் இருவருடன் வெளியில் சென்றிருந்தாகவும் வழியில் இரு இளையர்கள் அவரைத் துன்புறுத்தியதாகவும் கூறப்பட்டது.

இரு இளையர்கள் மாண்ட சிங்கப்பூரரிடம் சிகரெட்டுகளையும் கைத்தொலைபேசியையும் கேட்டிருந்ததாகவும் அதனை அவர் கொடுக்க மறுத்ததாகவும் 8 World செய்தித்தளம் தெரிவித்தது.

அதன் பின்னர் மாணவரைப் பின்தொடர்ந்த இரு இளையர்கள் அவரின் வயிற்றில் கத்தியால் குத்தியதாகத் தெரிவிக்கப்பட்டது.

மருத்துவமனைக்குக் கொண்டுசெல்லப்பட்ட 25 வயது மாணவர் கடுமையான காயங்களால் மரணமடைந்தார் என்று கூறப்பட்டது.