‘மத்திய கிழக்கில் அமைதியை ஏற்படுத்த உதவுங்கள்’

இஸ்ரேல், லெபனான் உள்ளிட்ட மேற்கு ஆசிய பிராந்தியத்தில் நிலவும் போர் நெருக்கடியை தீர்ப்பதில் இந்தியா முக்கிய பங்காற்ற முடியும் என இந்தியாவுக்கான இஸ்ரேல் தூதர் ரோவன் அசார் தெரிவித்துள்ளார். சவூதி அரேபியா, எமிரேட்ஸ், ஈரான், குவைத் மற்றும் கத்தார் போன்ற மத்திய கிழக்கு பிராந்தியத்தில் உள்ள பல முக்கிய நாடுகளை உள்ளடக்கிய மேற்கு ஆசியாவுடன் இந்தியா தற்போது நெருங்கிய உறவைப் பேணி வருவதாக இந்தியாவுக்கான இந்தியத் தூதுவர் மேலும் தெரிவித்துள்ளதாகத் தெரிவிக்கப்படுகிறது. மேற்கு ஆசியாவில் நிலவும் பதற்றத்தை போக்க இந்தியாவின் ஆதரவை இஸ்ரேல் அரசு எதிர்பார்க்கிறது. அதற்காக இந்திய அரசுடன் இஸ்ரேல் தொடர்ந்து பேச்சுவார்த்தை நடத்தும் என வெளிநாட்டு ஊடகங்கள் தெரிவித்துள்ளன.

கடந்த அமெரிக்க ஜனாதிபதித் தேர்தலில் டொனால்ட் ட்ரம்பின் வெற்றி இஸ்ரேலுக்கும் அமெரிக்காவுக்கும் இடையிலான உறவை மேலும் மேம்படுத்த உதவும் என்றும், ட்ரம்புடன் தனது முதல் ஆட்சிக் காலத்தில் இஸ்ரேல் நல்லுறவைப் பேணியதாகவும் இந்தியாவுக்கான இஸ்ரேல் தூதர் மேலும் தெரிவித்துள்ளார்.