இந்த ஆண்டு பொதுத் தேர்தலில் அதிக வாக்குகள் பெற்ற 5 வேட்பாளர்கள் யார் தெரியுமா?

2024ஆம் ஆண்டுக்கான பொதுத் தேர்தல்கள் தற்போது முடிவடைந்துள்ள போதிலும், வேட்பாளர்கள் பெற்ற வாக்குகள் தொடர்பில் பலரது கவனம் தற்போது குவிந்துள்ளது. இந்த ஆண்டு நடைபெற்ற பொதுத் தேர்தலில் அதிக வாக்குகள் பெற்ற 5 வேட்பாளர்கள் குறித்த கணக்கெடுப்பு இது.

1. விஜித ஹேரத் – பொதுத் தேர்தல் வரலாற்றில் அதிக வாக்குகளைப் பெற்ற விஜித ஹேரத், 716,715 விருப்பு வாக்குகளைப் பெற்றார். முன்னாள் ஜனாதிபதி மஹிந்த ராஜபக்ஷவின் சாதனையை விஜித ஹேரத் தோற்கடித்துள்ளார். மஹிந்த ராஜபக்ஷ பெற்ற விருப்பு வாக்கு எண்ணிக்கை 527,364 ஆகும்.

2. ஹரினி அமரசூரிய – பிரதமர் கலாநிதி ஹரிணி அமரசூரிய, 2024 பொதுத் தேர்தலுக்கான தேசிய மக்கள் சக்தியை கொழும்பு மாவட்டத்தில் பிரதிநிதித்துவப்படுத்தி, 655,289 விருப்பு வாக்குகளைப் பெற்று கொழும்பு மாவட்டத்தில் அதிகூடிய விருப்பு வாக்குகளைப் பெற்ற வேட்பாளர் ஆனார்.

நாட்டின் அரசியல் வரலாற்றை மாற்றியமைத்து கடந்த செப்டெம்பர் மாதம் 21ஆம் திகதி நடைபெற்ற ஜனாதிபதி தேர்தலில் அனுரகுமார திஸாநாயக்க ஜனாதிபதியாக பதவியேற்றதை அடுத்து கலாநிதி ஹரிணி அமரசூரிய பிரதமராக பதவியேற்றார். கலாநிதி ஹரிணி அமரசூரிய கடந்த தசாப்த காலமாக இலங்கை திறந்த பல்கலைக்கழகத்தில் சமூக விஞ்ஞான பிரிவில் சிரேஷ்ட விரிவுரையாளராக பணியாற்றினார்.

3. பொதுத் தேர்தல் வேட்பாளராக டொக்டர் நளின் டி ஜயதிஸ்ஸ அதிக வாக்குகளைப் பெற்று மூன்றாவது இடத்தைப் பெற்றார். அது, 371,640 வாக்குகளைப் பெற்றதன் மூலம். அவர் களுத்துறை மாவட்டத்தில் தேர்தலில் போட்டியிட்டார்.

4. நாமல் கருணாரத்ன – குருணாகல் மாவட்டத்தில் தேர்தலில் போட்டியிட்டு 356,969 விருப்பு வாக்குகளைப் பெற்றுள்ளார்.

5. கே. டி. லால்காந்த கண்டி மாவட்டத்தைப் பிரதிநிதித்துவப்படுத்தி பொதுத் தேர்தலில் போட்டியிட்டு 316951 விருப்பு வாக்குகளைப் பெற்றுள்ளார்.