கேரள கஞ்சாவுடன் இளைஞர் கைது!

சுமார் 4 கிலோ கிராம் எடையுடைய கேரள கஞ்சா பொதியுடன், மன்னார் உயிலங்குளப் பகுதியைச் சேர்ந்த ஒருவரைக் கைது செய்துள்ளதாகப்  பொலிஸார் தெரிவித்துள்ளனர்.

நேற்றைய தினம் (18.11) திங்கள், மாலை, குறித்த கைது நடவடிக்கை இடம்பெற்றுள்ளது.

மன்னார் மாவட்ட, குற்றத் தடுப்பு, பிரிவினருக்குக் கிடைத்த இரகசியத் தகவலினடிப்படையில், மன்னார் பொலிஸார் மேற்கொண்ட சோதனை நடவடிக்கையின் போதே,

மன்னார் பொலிஸ் பிரிவுக்குட்பட்ட, தள்ளாடி சந்தியில் வைத்து, குறித்த நபர் கைது செய்யப்பட்டுள்ளார்.

கைது செய்யப்பட்ட நபர்,  மேலதிக விசாரணைகளுக்காக மன்னார் பொலிஸ் நிலையத்தில் ஒப்படைக்கப் பட்டுள்ளதுடன் அவரிடம் இருந்த கேரள கஞ்சாப் பொதி மற்றும் அவர் பயணித்த மோட்டார் சைக்கிள் என்பனவும் மன்னார் பொலிஸ் நிலையத்தில் ஒப்படைக்கப் பட்டுள்ளதாகத் தெரியவருகின்றது.