வவுனியா பல்கலைக்கழகத்தில் விசேட நிகழ்வு.

உலகளாவிய தொழில் முனைவோர் வாரம் அனுஷ்டிக்கப்பட்டு வரும் நிலையில் வவுனியா பல்கலைக்கழகத்தில் விசேட நிகழ்வு ஒன்று நேற்று சனிக்கிழமை இடம்பெற்றுள்ளது.

வவுனியாப் பல்கலைக்கழகத்தின் வியாபார இணைப்பு அலகும் இங்கிலாந்திலுள்ள GATE நிறுவனமும் இணைந்து ஏற்பாடு செய்துள்ள நிகழ்கால மற்றும் எதிர்கால முயற்சியாளர்களுக்கான முக்கிய செயலமர்வு இடம்பெற்றது.

இதன்போது இந்தியத் துணை தூதுவர் சாய் முரளி மற்றும் வவுனியா பல்கலைக்கழகத்தின் துணைவேந்தர் ஏ.அற்புதராஜா உட்பட இந்திய மற்றும் வவுனியா பல்கலைக்கழக விரிவுரையாளர்கள் உட்பட சுயதொழில் முயற்சியாளர்கள் பலரும் கலந்துகொண்டனர்.