இலங்கையின் எரிசக்தித் துறைக்கு,அமெரிக்கா ஆதரவு

இலங்கையின் எரிசக்தி துறையின் அபிவிருத்திக்கு தேவையான தொழில்நுட்பம் மற்றும் ஏனைய உதவிகளை வழங்குவதற்கு அமெரிக்க அரசாங்கம் தயாராக இருப்பதாக இலங்கைக்கான அமெரிக்க தூதுவர் ஜூலி ஜே. சுங் (ஜூலி ஜே. சுங்) தெரிவித்துள்ளார்.

நேற்று (09) காலை எரிசக்தி அமைச்சர் பொறியியலாளர் குமார ஜயக்கொடியை சந்தித்த போதே அவர் இதனைத் தெரிவித்தார்.

மக்களின் விருப்பம் நிறைவேறும் என்ற நம்பிக்கை உள்ளது

இதன்போது, ​​புதிய அரசாங்கத்தின் எரிசக்தி அமைச்சருக்கு தூதுவர் வாழ்த்து தெரிவித்ததோடு, இரு நாடுகளுக்கும் இடையிலான எரிசக்தி துறையில் ஒத்துழைப்பை மேம்படுத்துவதற்கான வழிமுறைகள் குறித்து கலந்துரையாடினார். குறிப்பாக இலங்கையின் எரிசக்தி துறையின் அபிவிருத்திக்கு தொழில்நுட்ப மற்றும் ஏனைய ஆதரவை வழங்குவதற்கு அமெரிக்க அரசாங்கம் தயாராக இருப்பதாகவும், அதியுயர் செல்வாக்கு பெற்றுள்ள புதிய அரசாங்கம் அதனை நிறைவேற்றும் என எதிர்பார்ப்பதாகவும் அமெரிக்க தூதுவர் தெரிவித்தார். இலங்கை மக்களின் அபிலாஷைகள் நிறைவேற அமெரிக்க அரசாங்கத்தின் ஆதரவு கிடைக்கும் என்றார் அவர்.