பொறியாளர் என்று சொல்லிக் கொண்ட கேகாலை NPP , பாராளுமன்ற உறுப்பினர் டிப்ளமோ படித்தவர்.

கடந்த பொதுத் தேர்தலில் தேசிய மக்கள் சக்தி சார்பில் கேகாலை மாவட்டத்தில் போட்டியிட்ட கோசல நுவன் ஜயவீர, கல்வித் தகைமை தொடர்பில் தனது அடையாளத்தை மாற்றியுள்ளதாக தெரிவிக்கப்பட்டுள்ளது.

‘இஞ்சினியர் கோசல ஜயவீர’ என்ற பெயரில் விளம்பரச் சுவரொட்டிகளைக் காட்டி கேகாலையில் போட்டியிட்ட அவர், பொதுத் தேர்தலில் 61,713 வாக்குகளைப் பெற்று, கேகாலையில் இருந்து தெரிவு செய்யப்பட்ட ஏழு NPP யினரில் இரண்டாவதாக உள்ளார்.

பொதுத் தேர்தல் பிரசாரக் காலத்தில், தன்னைப் பொறியியலாளர் என்று விளம்பரப்படுத்திக் கொண்டு, தனது சுவரொட்டிகளில் தனது தரவுத் தாளில் பின்வருமாறு எழுதியிருந்தார்.

குருகல்ல கனிஷ்ட கல்லூரியிலும், அஹெலியகொட மத்திய மகா வித்தியாலயத்திலும் பள்ளிப் படிப்பை முடித்து, திறந்த பல்கலைக்கழகத்தின் பொறியியல் பீடத்தில் உயர்கல்வி பயின்ற சகோதரர் கோசல, திறந்த பல்கலைக்கழக பொது மாணவர் சங்கத்தின் (SSU)தலைவராகப் பணியாற்றி, சோசலிச மாணவர் சங்கத்திலிருந்து தேசிய அரசியலில் நுழைந்தார்.

திறந்த பல்கலைக்கழகத்தில் எந்தப் பொறியியல் படிப்பைப் படித்தார் என்பது தெரியவில்லை.

நாடாளுமன்ற இணையதளத்தில் கல்வித் தகுதியாக டிப்ளமோ பெற்றவர் என்றும், தொழில் தகுதியாக உதவிப் பொறியாளர் என்றும் குறிப்பிடப்பட்டிருந்தாலும், அவர் பெயருக்கு முன்னால் பொறியாளர் என்று எழுதும் அளவுக்குப் பட்டம் பெற்றிருக்கவில்லை என்று தெரிகிறது.

பொறியாளர் என அவரது பெயருடன் இருந்த அனைத்து புகைப்படங்களும் அவரது சமூக ஊடக பக்கங்களில் இருந்து தற்போது காணாமல் போயுள்ளன.