முன்னாள் ஜனாதிபதிகளின் இராணுவ பாதுகாப்பு அனைத்தும் நீக்கப்படும் : 1448 மில்லியன் ரூபாவை அரசாங்கம் மிச்சம் பிடிக்கலாம்.

முன்னாள் ஜனாதிபதிகளுக்கு வழங்கப்பட்டு வந்த இராணுவ பாதுகாப்பு அடுத்த வாரம் முதல் நீக்கப்படும் என பொது பாதுகாப்பு அமைச்சர் ஆனந்த விஜயபால தெரிவித்துள்ளார்.

அன்றிலிருந்து அவர்களுக்கு பொலிஸ் பாதுகாப்பு மாத்திரமே வழங்கப்படும் என இன்று பாராளுமன்றத்தில் உரையாற்றிய அவர் தெரிவித்துள்ளார்.

“இன்றும் முன்னாள் ஜனாதிபதி மஹிந்த ராஜபக்ஷவின் பாதுகாப்பு மற்றும் ஏனைய கடமைகளுக்காக 60 பொலிஸ் உத்தியோகத்தர்களும் 228 இராணுவ வீரர்களும் ஈடுபடுத்தப்பட்டுள்ளனர். முன்னாள் ஜனாதிபதி மைத்திரிபால சிறிசேனவுக்கு 4 இராணுவ அதிகாரிகளும் 60 பொலிஸ் அதிகாரிகளும் மெய்ப்பாதுகாவலர்களாக உள்ளனர்.

முன்னாள் ஜனாதிபதி கோட்டாபயவுக்கு 188 ஆயுதப்படையினரும், 22 பொலிஸாரும் , பாதுகாப்புக்காக நியமிக்கப்பட்டுள்ளார். முன்னாள் ஜனாதிபதி ரணில் விக்கிரமசிங்கவிடம் 57 பொலிஸ் உத்தியோகத்தர்கள் மற்றும் 60 இராணுவத்தினரும், முன்னாள் ஜனாதிபதி சந்திரிக்கா பண்டாரநாயக்கவுக்கு 60 பொலிஸ் உத்தியோகத்தர்களும், திருமதி ஹேமா பிரேமதாசவிக்கு 10 பொலிஸ் உத்தியோகத்தர்களும் தற்போது பாதுகாப்புக்காக கடமையில் ஈடுபடுத்தப்பட்டுள்ளனர்.

முன்னாள் ஜனாதிபதி மஹிந்த ராஜபக்ஷவுக்கு 3 நிறுவனங்களின் பாதுகாப்பு வழங்கப்பட்டுள்ளது. ஒன்று ஆயுதப்படை, காவல்துறை மற்றும் ஜனாதிபதி அலுவலகம். முன்னாள் ஜனாதிபதி மஹிந்த ராஜபக்ஷ கடந்த பதினொன்றரை மாதங்களில் மாத்திரம் ஆயுதப் படைகளினால் 328 மில்லியன் ரூபாவையும் பொலிஸாரிடமிருந்து 327 மில்லியனையும், ஜனாதிபதி அலுவலகத்தில் இருந்து 55 மில்லியனையும் செலவிட வேண்டியுள்ளது. இதன்படி 11 மாதங்களுக்கு மகிந்த ராஜபக்சவுக்கு 710 மில்லியன் ரூபா பணம் செலவிடப்பட்டுள்ளது.

முன்னாள் ஜனாதிபதி மைத்திரிபால சிறிசேனவிற்கு, ஆயுதப்படையில் இருந்து 6 மில்லியன், பொலிஸில் இருந்து 185 மில்லியன் மற்றும் ஜனாதிபதி அலுவலகத்தில் இருந்து 16 மில்லியன் 207 மில்லியன் செலவாகிறது.

அத்துடன், முன்னாள் ஜனாதிபதி கோட்டாபய ராஜபக்ஷவுக்காக முப்படையினர் செலவாக 258 மில்லியன் ரூபாவும், பொலிஸார் செலவாக 39 மில்லியன் ரூபாவும், ஜனாதிபதி அலுவலகம் 10 மில்லியன் ரூபாவும் என மொத்தம் 307 மில்லியன் ரூபா செலவிட்டுள்ளனர்.

முன்னாள் ஜனாதிபதி ரணில் விக்கிரமசிங்கவிற்கு, முப்படையினருக்காக 19 மில்லியன் ரூபாவும், பொலிஸாருக்காக 60 மில்லியன் ரூபாவும், ஜனாதிபதி அலுவலகத்தில் இருந்து 3 மில்லியன் ரூபாவும், இந்த மூன்று மாதங்களுக்கு 82 மில்லியன் ரூபா செலவிட்டுள்ளனர்..

முன்னாள் ஜனாதிபதி சந்திரிகாவுக்கான செலவை முப்படைகளும் ஏற்கவில்லை. பொலிஸாருக்கு 99 மில்லியன், ஜனாதிபதி அலுவலிருந்து 12 மில்லியன் என மொத்த செலவு 112 மில்லியன் ரூபா.

முன்னாள் ஜனாதிபதி ரணசிங்க பிரேமதாசவின் மனைவிக்கான செலவுச் சுமையை முப்படைகளும் சுமக்கவில்லை. பொலிஸ் செலவு 30 மில்லியன், ஜனாதிபதி அலுவலகம் 03 மில்லியன், மொத்த தொகை 32 மில்லியன்.

இதற்கிணங்க, கௌரவ சபாநாயகர் அவர்களே, இந்த பதினொன்றரை மாதங்களில் மொத்தமாக 1448 மில்லியன் ரூபாவை அரசாங்கம் இந்த ஓய்வுபெற்ற ஜனாதிபதிகளின் செலவினங்களுக்காக மக்களின் பணத்தை செலவிட்டுள்ளது. இது மிகவும் கடினமான சூழ்நிலை” என்றார் பொது பாதுகாப்பு அமைச்சர் ஆனந்த விஜயபால .