வெளிநாட்டினர் பயணம் செய்த பேருந்து ஒன்று , லொரியுடன் மோதிய விபத்தில் பேருந்து ஓட்டுநர் உயிரிழப்பு.

தெற்கு அதிவேக நெடுஞ்சாலையின் தங்காலை நோக்கிச் செல்லும் பாதையில், 138வது போஸ்ட் அருகே, வெளிநாட்டு சுற்றுலாப் பயணிகளை ஏற்றிச் சென்ற பேருந்து, அதே திசையில் பயணித்த சிமென்ட் லொரியுடன் மோதியதில் இன்று (17) காலை ஒரு விபத்து ஏற்பட்டது.

விபத்தில் காயமடைந்த பேருந்து ஓட்டுநர் உயிரிழந்தார்.

பேருந்தில் பயணித்த வெளிநாட்டினரும் காயமடைந்து தங்காலை ஆதார மருத்துவமனையில் அனுமதிக்கப்பட்டனர்.

விபத்து நடந்த நேரத்தில் பேருந்தில் சுமார் 30 வெளிநாட்டினர் பயணம் செய்தனர்.