கூலிக்கு அமர்த்தப்படும் இராணுவ கொலையாளிகள் குறித்த விவரங்களை வெளிப்படுத்திய ஜனாதிபதி அநுர (Video)

ஜனாதிபதியாகவும் , முப்படைகளின் தலைமைத் தளபதியாகவும் இருக்கும் ஜனாதிபதி அநுர குமார திசாநாயக்க , பாதாள உலகக் கொலையாளிகள் குழு இராணுவத்தைச் சேர்ந்தவர்கள் என்பதை வெளிப்படுத்தியுள்ளார்.

இதை வெளிப்படுவதற்கு மூன்று நாட்களுக்கு முன்பு, மன்னாரில் நடந்த இரட்டைக் கொலையின் முக்கிய சந்தேக நபர் , பணியில் உள்ள இராணுவ படையில் பணியில் உள்ள ஒருவர் என இலங்கை காவல்துறையினரால் அறிவிக்கப்பட்டார்.

அவருக்கு உதவிய மற்றும் உடந்தையாக இருந்த முக்கிய சந்தேக நபர் ஓய்வுபெற்ற இராணுவ உறுப்பினர் ஆவார், அவர் 2023 இல் நடந்த இரட்டைக் கொலையிலும் பிரதான சந்தேக நபராவார்.

தனது அரசின் வெற்றியைக் கொண்டாடும் ஒரு பொதுக் கூட்டத்தில் உரையாற்றிய ஜனாதிபதி அனுர குமார திசாநாயக்க, இலங்கையை ‘குற்றவியல் நாடு’ என தெரிவித்ததோடு, நாட்டில் நிலவும் மோசமான சூழ்நிலையை நாட்டின் குடிமக்களுக்கு விளக்கினார், இராணுவத்திற்குச் சொந்தமான 73 தானியங்கி ஆயுதங்கள் பாதாள உலகத்தின் கைகளுக்கு சென்றுள்ளதாக தெரிவித்தார். அவற்றில் கிட்டத்தட்ட பாதி பறிமுதல் செய்யப்பட்டுள்ளதாகவும் அவர் கூறினார்.

இந்த நாட்டில் நிலைமை எவ்வளவு மோசமாக இருக்கிறது என்றால். இராணுவ முகாம்களில் உள்ள ஆயுதங்கள் வெளியே வந்துவிட்டன. ஒரு குறிப்பிட்ட இராணுவ முகாமில், எழுபத்து மூன்று T56 கள் பாதாள உலகத்தினரது கைகளுக்கு சென்றுள்ளன. தற்போது 38 பேரை நாங்கள் கைது செய்துள்ளோம். 35 பேரை நாங்கள் தேடுகிறோம்.கைது செய்யப்பட்டவர்களில் ஒருவர் T56 துப்பாக்கியுடன் கைது செய்யப்பட்டுள்ளார், அவர் சிவில் பாதுகாப்புப் படையைச் சேர்ந்தவர்.

பாதாள உலகத்தைச் சேர்ந்த 13 பேர் ஏற்கனவே கைது செய்யப்பட்டுள்ளதாக ஜனாதிபதி அனுர குமார திசாநாயக்க மேலும் தெரிவித்தார்.

எங்களிடம் ஒரு பெரிய மற்றும் மதிப்புமிக்க இராணுவம் உள்ளது. இராணுவத்தின் கௌரவத்தைப் பாதுகாக்கும் ஏராளமான மக்கள் உள்ளனர். அந்த மக்களிடையே, இராணுவத்திடம் உள்ள ஆயுதங்கள் பாதாள உலகத்திற்குச் சென்றுவிட்டன. நாட்டின் நிலைமை அப்படித்தான். இராணுவத்திற்குள் உள்ள பலர், பாதாள உலகில் கூலிக்காகச் சுட்டு கொலை செய்து விட்டு , பின்னர் முகாமுக்குத் திரும்புகிறார்கள். அவர்களில் 13 பேர் கைது செய்யப்பட்டுள்ளனர். நமக்கு முன்னால் ஒரு கொலைகார அரசு உள்ளது. யார் நம்புவார்கள், எங்கே நம்புவார்கள்? இந்த நிலைமைக்கு நாடு வந்துவிட்டது .

மூன்று மாதங்களுக்கு முன்பு இலங்கையின் நிறைவேற்று ஜனாதிபதியாக பதவியேற்ற அனுர குமார திசாநாயக்க, 19 ஆம் திகதி கட்டுகுருந்தவில் உள்ள மக்களுக்கு தனது ஆட்சியின் கீழ் உள்ள ‘குற்ற அரசை’ சுத்தம் செய்வதாக வாக்குறுதி அளித்தார், மேலும் பாதாள உலகத்திற்கு அரசியல் ஆதரவு கிடைக்கிறது என்பதை விளக்கினார். .

அரசியல் பாதுகாப்புடன் முகாம்களில் உள்ள ஆயுதங்கள் பாதாள உலகத்திற்கு வருகின்றன என்றால், லட்சக்கணக்கான இராணுவத்தின் பெரிய எண்ணிக்கையிலானவர்கள் அல்ல, ஆனால் கை விரல் விட்டு எண்ணக் கூடிய நிலையை விட சற்று அதிகமான ஒரு குழுவே வெளியே சென்று கூலிக்கு கொலை செய்து விட்டு முகாமுக்குத் திரும்புகிறது. அவர்களில் 13 பேர் கைது செய்யப்பட்டுள்ளனர். நாட்டின் நிலைமை இதுதான், அதாவது இது ஒரு குற்றவியல் அரசு. எதையும் எங்கும் நம்ப முடியாத ஒரு அரசு இது. அத்தகைய ஒரு நிலையில் நாம் இருக்கிறோம் அரசாக. நாங்கள் அதை ஒவ்வொன்றாக சுத்தம் செய்கிறோம்.”

மன்னார் இரட்டைக் கொலைகள்

வடக்கில் நடந்த தொடர்ச்சியான கூலிக்கு கொலைகளில் துப்பாக்கிச் சூடு நடத்தியவர்களுக்கு இராணுவத்துடன் தொடர்பு இருப்பதாக சமீபத்திய பல கைதுகள் மூலம் தெரியவந்துள்ளதாக போலீசார் தெரிவிக்கின்றனர்.

ஜனவரி 16 ஆம் திகதி மன்னார் மாஜிஸ்திரேட் நீதிமன்றத்திற்கு அருகில் நடந்த துப்பாக்கிச் சூட்டில் இரண்டு பேர் கொல்லப்பட்ட சம்பவத்தின் முக்கிய சந்தேக நபர், ஜனவரி 18 ஆம் திகதி களனி பகுதியில் வைத்து மடு காவல் நிலைய போலீசாரால் கைது செய்யப்பட்டதாக ஜனவரி 20, 2025 திங்கட்கிழமை அன்று அறிவித்தது. .

அவர் அமந்தொலுவ, சீதுவ பகுதியைச் சேர்ந்த 34 வயதுடையவர் என்றும், நாரஹேன்பிட்ட இராணுவ மருத்துவமனையில் மருத்துவ உதவியாளராகப் பணிபுரிகிறார் என்றும் பொலிஸார் மேலும் தெரிவிக்கின்றனர்.

இந்த துப்பாக்கிச் சூட்டில் கொல்லப்பட்டவர்கள், 2022 ஆம் ஆண்டு மாட்டு வண்டி போட்டியின் போது இரு குழுக்களுக்கு இடையே ஏற்பட்ட மோதலில் கொல்லப்பட்ட இரண்டு பேர் தொடர்பான வழக்கின் சந்தேக நபர்கள் என மாகாண நிருபர்கள் கூறுகின்றனர்.

மாகாண செய்தியாளர்களின் கூற்றுப்படி, கொலை செய்யப்பட்ட இருவர் மன்னார் உயிலங்குளம் மற்றும் நொச்சிகுளம் பகுதிகளைச் சேர்ந்த 61 வயதான சவேரியன் அருள் மற்றும் 42 வயதான செல்வகுமார் ஜூட் ஆவர்.

காவல்துறை அறிவித்தபடி, அவர்கள் இருவரும் ஆண்கள், ஆனால் அதில் சிக்கிய ஒருவர் பெண்.

காவல்துறை அறிக்கையின்படி, மாஜிஸ்திரேட் நீதிமன்றத்திற்கு அருகில் நடந்த துப்பாக்கிச் சூட்டுக்கு உதவிய மற்றும் உடந்தையாக இருந்த ஒரு முக்கிய சந்தேக நபர் ஜனவரி 18 ஆம் திகதி பேசாலை பகுதியில் வைத்து கைது செய்யப்பட்டார்.

பேசாலை காவல் நிலைய அதிகாரிகள் குழுவால் கைது செய்யப்பட்ட சந்தேக நபர், மாத்தளை, கைகாவல பகுதியைச் சேர்ந்த 38 வயதான ஓய்வுபெற்ற இராணுவ சார்ஜென்ட் ஆவார், மேலும் அவர் களனி பகுதியில் தற்காலிகமாக வசிப்பவர் என்று பொலிசார் தெரிவித்தனர்.

மேலும் நடத்திய விசாரணையின் மூலம், இந்த சந்தேக நபர் கடந்த 24.08.2023ஆம் ஆண்டு அடம்பன் காவல் பிரிவின் மொல்லிகண்டல் பகுதியில் துப்பாக்கியால் சுட்டு இரட்டைக் கொலை செய்த குற்றத்தின் முக்கிய சந்தேக நபர் என்பது தற்போது தெரியவந்துள்ளதாக காவல்துறை அறிக்கையில் மேலும் தெரிவிக்கப்பட்டுள்ளது.

ஜூலை 8, 2022 அன்று, ஒரு மாட்டு வண்டி போட்டியின் போது, ​​உயிலங்குளம் மற்றும் நொச்சிகுளம் பகுதிகளைச் சேர்ந்த இரு குழுக்களிடையே ஏற்பட்ட மோதலில் ஒரே குடும்பத்தைச் சேர்ந்த இரண்டு சகோதரர்கள் வெட்டிக் கொல்லப்பட்டனர். இதற்குப் பழிவாங்கும் விதமாக, 2023 ஆகஸ்ட் மாதம் மன்னார் அடம்பன் காவல் பிரிவில் இரண்டு பேர் சுட்டுக் கொல்லப்பட்டனர் என சொல்கிறார்கள் என ஜனாதிபதி அநுர குமார திசாநாயக்க மக்களுக்கு நாட்டு நிலைமையை தெளிவுபடுத்தினார்.