நஷ்டத்தில் இயங்கும் அரச நிறுவனங்கள் பங்குச் சந்தையில் விற்கப்படும்..- ஜனாதிபதி

நாட்டிற்கு பெரும் சுமையாக மாறியுள்ள அரச நிறுவனங்களை, ஒரு நிறுவனத்தின் மூலம் பங்குச் சந்தையில் பட்டியலிடுவதற்கான சாத்தியக்கூறுகள் ஆராயப்பட்டு வருவதாக ஜனாதிபதி அனுரகுமார திசாநாயக்க தெரிவித்துள்ளார்.

கொழும்பில் நடைபெற்ற இலங்கை பொருளாதார உச்சி மாநாட்டில் உரையாற்றும் போதே ஜனாதிபதி இந்தக் கருத்துக்களைத் தெரிவித்தார்.

“நாங்கள் இந்த நிறுவனங்களை பழைய கண்ணோட்டத்தில் பார்ப்பதில்லை.” இந்த நிறுவனங்களில் கட்டமைப்பு மாற்றத்திற்கு நாங்கள் தயாராக உள்ளோம். குறிப்பாக நாம் தற்போது ஆராய்ந்து கொண்டிருப்பது , இந்த நிறுவனங்களை இணைத்து, ஒரு ஹோல்டிங் நிறுவனம் மூலம் பங்குச் சந்தையில் குறிப்பிட்ட அளவு பங்குகளை வெளியிட முடியுமா? என நாங்கள் குறிப்பாக நிறுவனங்கள் மற்றும் கூட்டுஸ்தாபனங்கள் பற்றி சிந்திக்க ஆரம்பித்திருக்கிறோம்.

நான் வெளிப்படையாகச் சொல்வேன்.ஒரே வேலையைச் செய்யும் பல நிறுவனங்கள் உள்ளன. அவற்றில் சில நிறுவனங்களை மூட வேண்டியிருக்கும் என்று நினைக்கிறேன். சில நிறுவனங்கள் இணைக்க வேண்டியிருக்கும். சில நிறுவனங்கள் தங்கள் விடயங்களை மாற்ற வேண்டியிருக்கும். அந்த அவதானிப்புகளை இந்த நாட்களில் மேற்கொண்டு வருகிறோம்.” என்றார் ஜனாதிபதி அனுரகுமார .