வெள்ளப்பெருக்கு கட்டுப்பாட்டு நடவடிக்கைகளை ஆராய அதிகாரிகளை அழைத்த பிரதமர்.

கொலன்னாவ வெள்ளப் பெருக்கு கட்டுப்பாட்டுக்கான பரிந்துரைகளை வழங்குவதற்காக நியமிக்கப்பட்ட குழு சமர்ப்பித்த அறிக்கையில் உள்ள கொலன்னாவ வெள்ளப் பெருக்கு கட்டுப்பாட்டுக்கான பரிந்துரைகள் மற்றும் அதன்படி எடுக்கக்கூடிய நடவடிக்கைகள் குறித்து இன்று கலந்துரையாடல் ஒன்று நடைபெற்றது.

பிரதமர் ஹரினி அமரசூரியின் தலைமையில் கொழும்பு மாவட்ட செயலகத்தில் நடைபெற்ற இந்த கலந்துரையாடலில் கொழும்பு மாவட்ட ஒருங்கிணைப்புக் குழுவின் தலைவர், கொழும்பு மாவட்ட நாடாளுமன்ற உறுப்பினர் லக்ஷ்மன் நிபுனாராச்சி மற்றும் கொலன்னாவ ஒருங்கிணைப்புக் குழுவின் தலைவர், இளைஞர் விவகார பிரதி அமைச்சர் எரங்க குணசேகர ஆகியோர் கலந்து கொண்டனர்.

கொலன்னாவ அறிக்கையில் வழங்கப்பட்டுள்ள பரிந்துரைகளைச் செயல்படுத்தி, அதற்கான நடவடிக்கைகளை எடுக்குமாறு அதிகாரிகளுக்குத் தெரிவித்த பிரதமர், அடுத்த கொழும்பு மாவட்ட ஒருங்கிணைப்புக் குழுக் கூட்டத்தில் அந்த நடவடிக்கைகள் மற்றும் பரிந்துரைகளைச் செயல்படுத்துவதில் ஏற்பட்டுள்ள முன்னேற்றம் குறித்து அறிக்கையை சமர்ப்பிக்குமாறு அதிகாரிகளுக்கு அறிவுறுத்தினார்.

தேசிய சுதந்திர தினத்தை முன்னிட்டு அரசு விடுமுறை தினமாக இருந்த போதிலும் (04), இந்த கலந்துரையாடலுக்காக தொடர்புடைய நிறுவனங்களின் பொறுப்பான அரசு அதிகாரிகள் கலந்து கொண்டனர்.

3 மணி நேரத்திற்கும் மேலாக நடைபெற்ற இந்த கலந்துரையாடலில் கொலன்னாவ வெள்ளப் பெருக்கு கட்டுப்பாட்டுக்கான திட்டங்கள், முன்மொழிவுகள் மற்றும் கருத்துக்கள் முன்வைக்கப்பட்டன.

அனைத்து கருத்துக்களையும் முன்மொழிவுகளையும் ஒருங்கிணைத்து, சாதகமான முன்மொழிவுகளைச் சேர்த்து, கொலன்னாவ வெள்ளப் பெருக்கு கட்டுப்பாட்டு நடவடிக்கைகளை மேற்கொள்வது முன்னுரிமை அளிக்கப்பட வேண்டிய பணி என்று பிரதமர் ஹரினி அமரசூரியா இங்கு கூறினார்.

சுதந்திர தினத்தை முன்னிட்டு வழங்கப்பட்ட அரசு விடுமுறை தினத்தையும் ஒதுக்கிவிட்டு இந்த கலந்துரையாடலில் கலந்து கொண்டமைக்காக பிரதமர் கலந்து கொண்ட அரசு அதிகாரிகளுக்கு தனது நன்றியைத் தெரிவித்தார்.

இந்த கலந்துரையாடலில் மாவட்ட செயலாளர், கொலன்னாவ பிரதேச செயலாளர் உட்பட நீர் வழங்கல் சபை, காணி மீட்புத் திணைக்களம், பிரதேச செயலகம், நகர அபிவிருத்தி அதிகார சபை அதிகாரிகள் மற்றும் கொலன்னாவ, கொணகட்டுவ பொலிஸ் நிலைய பொறுப்பாளர் ஆகியோர் கலந்து கொண்டனர்.