பாதாள உலக விளையாட்டை நிறுத்தவும்.. பிமல் பகிரங்க எச்சரிக்கை!

பாதாள உலக குழுக்கள் நடத்தும் கொலைகளை தயவு செய்து நிறுத்துங்கள் என்றும், அவ்வாறு செய்யாமல் தொடர்ந்து கொலைகளைச் செய்தால், பாதாள உலகத்தை கணிசமான அளவிற்கு அடக்க அரசாங்கம் நடவடிக்கை எடுக்கும் என்றும் போக்குவரத்து, நெடுஞ்சாலைகள் அமைச்சர், பாராளுமன்ற சபை தலைவர் பிமல் ரத்நாயக்க தெரிவித்தார்.

அமைச்சர் பிமல் ரத்நாயக்க கூறுகையில்,

“அரசியல் ஆதரவில்தான் பாதாள உலகம் உருவானது. பராமரிக்கப்பட்டது, கட்டப்பட்டது. அந்த பாதாள உலக பிரச்சனையால் நமது நாடு தற்போது பாதிக்கப்பட்டுள்ளது. பாதாள உலக பிரச்சனை பொலிஸ் நடவடிக்கைகளால் மட்டும் ஒடுக்க முடியாது என்று நாங்கள் நினைக்கிறோம்.

அதற்கான பதில்களை நாங்கள் தருவோம், ஆனால் தற்போது பொலிஸ் நடவடிக்கைகள் நடப்பதால் , நாங்கள் அதில் தலையிட்டு வருகிறோம். ஒரு விஷயம், கடந்த நாட்களில் பாதாள உலகம் குழப்பத்தில் உள்ளது. ஏனெனில் பாதாள உலகத்தினரால் அரசாங்கத்துடன் தொடர்புகளை ஏற்படுத்த முடியவில்லை. அதனால் இப்போது பாதாள உலகம் குழப்பத்தில் உள்ளது.

எனவே, தற்போது பாதாள உலகத்தில் இருப்பவர்களிடம் நாங்கள் கூறுகிறோம், தயவு செய்து அனைத்தையும் நிறுத்திவிட்டு, சாதாரண முறையில் உங்கள் வாழ்க்கையை கட்டியெழுப்ப முயற்சி செய்யுங்கள். இல்லையெனில், அதை கணிசமான அளவிற்கு ஒடுக்க அரசாங்கம் சட்டப்பூர்வ வரம்புகளுக்குள் தேவையானவற்றை செய்யும்.”

பட்ஜெட் இரண்டாவது வாசிப்பின் பாராளுமன்ற விவாதத்தில் அமைச்சர், பாராளுமன்ற சபை தலைவர் பிமல் ரத்நாயக்க இதனை தெரிவித்தார்.