கிராண்ட்பாஸ் துப்பாக்கிச் சூட்டு நபர் கைது!

கிராண்ட்பாஸ் பகுதியில் இருவரை துப்பாக்கியால் சுட்டு காயப்படுத்திய சம்பவத்தில் தொடர்புடைய சந்தேக நபர் கைது செய்யப்பட்டுள்ளார்.

கிராண்ட்பாஸ் பொலிஸ் நிலைய அதிகாரிகள் குழு சந்தேக நபரை கைது செய்துள்ளது.

2025.03.17 அன்று இரவு கிராண்ட்பாஸ் பொலிஸ் எல்லைக்குட்பட்ட நாகலகம் வீதி பகுதியில் இருவரை, மோட்டார் சைக்கிளில் வந்த இருவர் துப்பாக்கியால் சுட்டனர்.

கைது செய்யப்பட்ட சந்தேக நபர் கிராண்ட்பாஸ் பகுதியைச் சேர்ந்த 32 வயதுடையவர்.

சந்தேக நபர் புதுக்கடை எண் 04 மாஜிஸ்திரேட் நீதிமன்றத்தில் ஆஜர்படுத்தப்பட உள்ளார். இந்த குற்றத்திற்கு உதவி மற்றும் உடந்தையாக இருந்ததாக இதுவரை மூன்று சந்தேக நபர்கள் மற்றும் ஒரு பெண் சந்தேக நபரை விசாரணை அதிகாரிகள் கைது செய்துள்ளனர்.

கிராண்ட்பாஸ் பொலிசார் தொடர்ந்து விசாரணை நடத்தி வருகின்றனர்.