இலங்கையில் இன்று மாத்திரம் 798 பேருக்கு கொரோனா உறுதி

இலங்கையில் இன்று மாத்திரம்
798 பேருக்கு கொரோனா உறுதி

– 29 ஆயிரத்தைத் தாண்டியது தொற்றாளர்களின் எண்ணிக்கை

இலங்கையில் இன்று மாத்திரம் 798 பேருக்குக் கொரோனா வைரஸ் தொற்று உறுதிப்படுத்தப்பட்டுள்ளது என அரச தகவல் திணைக்களம் அறிவித்துள்ளது.

பேலியகொடை கொத்தணிமூலம் 568 பேருக்கும், சிறைச்சாலை கொத்தணிமூலம் 230 பேருக்குமே இவ்வாறு வைரஸ் தொற்றியுள்ளது.

இதன்படி கொரோனாவின் இரண்டாவது அலைமூலம் (மினுவாங்கொடை, பேலியகொட, சிறைச்சாலை கொத்தணிகள்) இதுவரையில் 25 ஆயிரத்து 882  பேருக்கு வைரஸ் தொற்றியுள்ளது.

இதேவேளை, நாட்டில் மொத்தத் தொற்றாளர்களின் எண்ணிக்கை 29 ஆயிரத்து 378 ஆக அதிகரித்துள்ளது.

இவர்களில் 21 ஆயிரத்து 258 பேர் குணமடைந்துள்ளனர். 7 ஆயிரத்து 978 பேர் வைத்தியசாலைகளில் சிகிச்சை பெற்று வருகின்றனர். அத்துடன் 142 பேர் உயிரிழந்துள்ளனர்.