ஆட்டுக்கு பிரசவம் பார்த்த குட்டிப் பாப்பா, வைரல் வீடியோ!

சின்னஞ்சிறு சிறுமி ஒருவர் ஆட்டுக்கு பிரசவம் பார்க்கும் வீடியோ, ட்விட்டரில் வைரலாகி வருகிறது. ஏற்கனவே 2 குட்டிகள் ஈன்ற ஆடு, தனது 3வது குட்டியை பெற கஷ்டப்பட்டு கொண்டிருந்த சமயத்தில், இந்த குழந்தை தானாக முன்வந்து ஆட்டுக்கு உதவுவது அமைந்திருக்கும் இந்த வீடியோ 5 இலட்சம் பார்வைகளுக்கு கடந்து நெட்டில் வைரலாகி வருகிறது.

வாடிய பயிரை கண்ட போதெல்லாம் வாடினேன் என வள்ளலார் கூறியது போல அந்த ஆட்டின் துன்பத்தை கண்டு அதற்கு உதவி செய்துள்ளார் அந்த சிறுமி. இந்த வீடியோ தற்சமயம் ட்ரெண்ட் ஆகி வருகிறது. ஆடுகளில் பல குட்டிகளை இடும் ஆடுகள் உண்டு. கிராம புறங்களில் உள்ள பலர் அம்மாக்கள் அல்லது பாட்டிகள் இந்த ஆடுகளுக்கு பிரசவம் பார்ப்பதை பார்த்திருப்போம்.

அதே போல இந்த ஆடும் ஏற்கனவே இரண்டு குட்டிகளை ஈன்றுள்ளது. ஆனால் மூன்றாவது குட்டி வெளிவராமல் தவித்துள்ளது. இந்த நிலையில் ஆட்டுக்கு உதவ நினைத்த அந்த சிறுமி குட்டியின் கால் மட்டும் வெளியே தெரிவதை கண்டு காலை வெளியே இழுத்து பிரசவம் பார்த்துள்ளது. குட்டியை வெளியே எடுத்தவுடன் அதன் வாயில் உள்ள கசடுகளை எடுத்து விடுவார்கள் இல்லையா. அதே போல இந்த குழந்தையும் குட்டியின் வாயில் உள்ள கசடுகளை எடுத்துவிட்டு அதை அதன் அம்மாவிடம் ஒப்படைத்தது.

இதை வீடியோ எடுத்த ஒருவர் “நான் இவ்வளவு இளமையான விலங்கு மருத்துவரை கண்டதில்லை” என்று எழுதி டிவிட்டரில் பதிவிட்டுள்ளார். இந்த பதிவானது இதுவரை 4500 க்கும் அதிகமான ரீ டிவிட்களையும் 15 ஆயிரத்திற்கும் மேற்பட்ட லைக் களையும் பெற்றுள்ளது. தற்சமயம் ட்ரெண்டிங் ஆகி வரும் இந்த வீடியோவிற்கு பலரும் பாராட்டுக்களை தெரிவித்து வருகின்றனர்.

உயிரினங்களுக்கு உதவ இப்போதும் சில கரங்கள் காத்துள்ளன என்பதை இந்த பிஞ்சுகரம் நிரூபித்துள்ளது என ஒரு டிவிட்டர் பயனாளி கூறியுள்ளார். சிறுவயது முதலே நமக்கு கற்பிக்கப்பட்டு உள்ளன. அந்த வரிகளை உண்மையாக்கும் வகையில் ஒரு சிறுமி ஆட்டுக்கு பிரசவம் பார்த்து அனைவரையும் ஆச்சர்யத்தில் ஆழ்த்தியுள்ளார். இந்நிலையில் இந்த சிறுமிக்கு பாராட்டுகளும் வாழ்த்துக்களும் குவிந்த வண்ணம் உள்ளன.

The youngest veterinarian I've ever seen! ?pic.twitter.com/DbpWHQ5a4O

— Figen.. (@TheFigen) February 7, 2021