நடிகை கீர்த்தி சுரேஷுக்கும், இசையமைப்பாளர் அனிருத்துக்கும் திருமணமா?

தமிழ் திரையுலகின் பிசியான இசையமைப்பாளராக இருக்கிறார் அனிருத். சிவகார்த்திகேயனின் ஆஸ்தான இசையமைப்பாளரான அனிருத் இசையில் வெளியான மாஸ்டர் பட பாடல்கள் சூப்பர் ஹிட்டானது. இதையடுத்து தன் நண்பன் நெல்சன் திலீப்குமார் இயக்கத்தில் விஜய் நடிக்கும் தளபதி 65 படத்திற்கும் இசையமைக்கிறார் அனிருத்.

இந்நிலையில் அனிருத்தின் காதல் வாழ்க்கை குறித்து பேச்சு கிளம்பியுள்ளது. கடந்த அக்டோபர் மாதம் பிறந்தநாள் கொண்டாடிய அனிருத்துக்கு வாழ்த்து தெரிவித்து ட்வீட் செய்தார் கீர்த்தி சுரேஷ். தான் அனிருத்துடன் நெருக்கமாக இருக்கும் இரண்டு புகைப்படங்களை வெளியிட்டார் கீர்த்தி.

ஓமைகாட், அனிருத்தும், கீர்த்தி சுரேஷும் காதலிக்கிறார்களா?

அதை பார்த்தவர்கள், அனிருத்தும், கீர்த்தியும் காதலிக்கிறார்கள் என்று பேசத் துவங்கினார்கள். மேலும் சிலரோ, மதுபோதையில் புகைப்படம் எடுத்திருப்பார்கள் என்றார்கள். இந்நிலையில் அனிருத்துக்கும், கீர்த்தி சுரேஷுக்கும் இடையே காதல் என்று மீண்டும் பேச்சு கிளம்பியுள்ளது.

அனிருத்தும், கீர்த்தியும் விரைவில் திருமணம் செய்து கொள்ளப் போவதாகக் கூட பேசுகிறார்கள். அனிருத்துடன் காதல் எல்லாம் இல்லை என்று கீர்த்திக்கு நெருக்கமானவர்கள் தெரிவித்துள்ளனர். இதற்கிடையே அனிருத்தும், சிவகார்த்திகேயனின் டாக்டர் படத்தில் வரும் செல்லம்மா பாடலை பாடிய ஜோனிடா காந்தியும் காதலிப்பதாக வேறு தகவல் வெளியானது.

பிரபல பாடகியை காதலித்த அனிருத்?

அதற்கும் முன்பு அனிருத்தும், ஆண்ட்ரியாவும் முத்தம் கொடுத்துக் கொண்டபோது எடுக்கப்பட்ட புகைப்படங்கள் வெளியாகி பெரும் பரபரப்பை ஏற்படுத்தியது. அந்த விவகாரத்தை அனிருத்தும், ஆண்ட்ரியாவும் கண்டுகொள்ளவில்லை.

அனிருத்தின் பெயர் யாருடனாவது சேர்ந்து அடிபட்டுக் கொண்டிருக்கிறது. இந்நிலையில் அவருக்கு விரைவில் திருமணம் செய்து வைக்க வீட்டில் பெண் தேடிக் கொண்டிருப்பதாக தகவல் வெளியாகியிருக்கிறது. அனிருத்துக்கு திருமணம் நடக்கும் வரை இந்த காதல் கிசுகிசுக்கள் அடங்காது போன்றுள்ளது.

கீர்த்தி சுரேஷ் தற்போது சூப்பர் ஸ்டார் மகேஷ் பாபுவுடன் சேர்ந்து சர்காரு வாரி பாட்டா தெலுங்கு படத்தில் நடித்து வருகிறார். இது தான் கீர்த்தி சுரேஷ் மகேஷ் பாபுவுடன் சேர்ந்து நடிக்கும் முதல் படம் ஆகும். படப்பிடிப்பு துபாயில் நடந்து வருகிறது.