இலங்கையில் நாளாந்தம் எகிறும் தொற்றாளர்கள்! – இன்று 3,245 பேருக்குக் கொரோனா.

இலங்கையில் கொரோனா வைரஸ் தொற்றாளர்களின் எண்ணிக்கை நாளாந்தம் எகிறுகின்றது. இன்று 3 ஆயிரத்து 245 பேர் கொரோனாத் தொற்றுடன் அடையாளம் காணப்பட்டுள்ளனர் என்று சுகாதார அமைச்சின் தொற்று நோயியல் பிரிவு தெரிவித்துள்ளது.

இதற்கமைய நாட்டில் இதுவரை அடையாளம் காணப்பட்ட கொரோனாத் தொற்றாளர்களின் மொத்த எண்ணிக்கை 3 இலட்சத்து 51 ஆயிரத்து 515 ஆக அதிகரித்துள்ளது.

இதேவேளை, கொரோனாத் தொற்றால் பாதிக்கப்பட்ட மேலும் 2 ஆயிரத்து 717 பேர் குணமடைந்து இன்று வீடு திரும்பியுள்ளனர்.

இதையடுத்து நாட்டில் கொரோனாத் தொற்றிலிருந்து குணமடைந்தவர்களின் மொத்த எண்ணிக்கை 3 இலட்சத்து 7 ஆயிரத்து 345 ஆக உயர்வடைந்துள்ளது.