இலங்கையில் 13 ஆயிரத்தைக் கடந்தன கொரோனா மரணங்கள்!

இலங்கையில் பதிவான மொத்த கொரோனா மரணங்களின் எண்ணிக்கை 13 ஆயிரத்தைக் கடந்துள்ளது.

கொரோனாத் தொற்றால் மேலும் 55 பேர் உயிரிழந்துள்ளனர் என்று சுகாதார சேவைகள் பணிப்பாளர் நாயகத்தின் உறுதிப்படுத்தலுடன் அரச தகவல் திணைக்களம் நேற்று தெரிவித்துள்ளது.

அதன்படி, நாட்டில் பதிவான கொரோனா மரணங்களின் மொத்த எண்ணிக்கை 13 ஆயிரத்து 19 ஆக அதிகரித்துள்ளது.

நேற்று உறுதிப்படுத்தப்பட்ட 55 மரணங்களில் 17 பெண்களும், 38 ஆண்களும் உள்ளடங்குகின்றனர் என்று அரச தகவல் திணைக்களம் குறிப்பிட்டுள்ளது.

இதில் பெண்கள் இருவர் 30 வயதுக்குட்பட்டவர்கள். 11 ஆண்கள், 4 பெண்கள் என 15 பேர் 30 – 59 வயதுக்கு இடைப்பட்டவர்களாவர். 38 பேர் 60 வயதுக்கு மேற்பட்டவர்களாவர். இதில் 27 ஆண்களும், 11 பெண்களும் அடங்குகின்றனர்.