வீதியால் சென்ற பெண்ணிடம் தங்கச் சங்கிலி அறுப்பு

தென்மராட்சி – கொடிகாமம் பொலிஸ் பிரிவு, உசன் பகுதியில் பெண் ஒருவரின் தங்கச்சங்கிலி நேற்று (26) காலை இனம் தெரியாதோரால் அபகரிக்கப்பட்டது.

உசன் பகுதியிலுள்ள பாடசாலை ஒன்றிற்கு அருகாமையில் இந்த திருட்டு சம்பவம் இடம்பெற்றுள்ளது.

பெண் ஒருவர் வீதியில் பயணித்துக் கொண்டிருந்த வேளை அவ்வீதியால் மோட்டார் சைக்கிளில் வந்த இனந்தெரியாத மூவரால் பெண்ணில் கழுத்திலிருந்த சங்கிலி அறுக்கப்பட்டதாக தெரிவிக்கப்படுகிறது.

சங்கிலி அறுத்தவர்கள் சங்கிலியுடன் தப்பியோடியுள்ளனர் எனவும் அறுக்கப்பட்ட சங்கிலி சுமார் 2 பவுண் எனவும் தெரிவிக்கப்பட்டுள்ளது.

இந்நிலையில் சங்கிலியை பறி கொடுத்த பெண் கொடிகாமம் பொலிஸில் முறைப்பாடு செய்துள்ளார்.

சம்பவம் தொடர்பில் கொடிகாமம் பொலிஸார் மேலதிக விசாரணைகளை மேற்கொண்டு வருகின்றனர்.