கயானா அமேசன் வோரியஸ் அபார வெற்றி

கரீபியன் பிரீமியர் லீக் ரி-20 தொடரின் நான்காவது லீக் போட்டியில், கயானா அமேசன் வோரியஸ் அணி 3 விக்கெட்டுகளால் அபார வெற்றிபெற்றுள்ளது.

ட்ரினிடெட் மைதானத்தில் நேற்று முன்தினம் நடைபெற்ற இப் போட்டியில், கயானா அமேசன் வோரியஸ் அணியும் சென்.கிட்ஸ்- நெவிஸ் பெட்ரியோட்ஸ் அணியும் மோதின.

இதில் முதலில் களமிறங்கிய சென்.கிட்ஸ்- நெவிஸ் பெட்ரியோட்ஸ் அணி 20 ஓவர்கள் நிறைவில் 8 விக்கெட்டுகளை இழந்து 127 ஓட்டங்களை பெற்றுக்கொண்டது.

அணியின் அதிகபட்ச ஓட்டங்களாக, எவின் லூயிஸ் (30), பென் டங்க் (29) ஓட்டங்களையும் பெற்றுக்கொண்டனர்.

கயானா அமேசன் வோரியஸ் அணியின் பந்துவீச்சில், கீமோ போல் 4 விக்கெட்டுகளையும், இம்ரான் தாஹிர் 2 விக்கெட்டுகளையும், கிறிஸ் கிரீன் 1 விக்கெட்டினையும் வீழ்த்தினர்.

128 என்ற வெற்றி இலக்கை நோக்கி துடுப்பெடுத்தாட களமிறங்கிய கயானா அமேசன் வோரியஸ் அணி, 17 ஓவர்கள் நிறைவில் 7 விக்கெட்டுகள் இழப்புக்கு வெற்றி இலக்கை கடந்தது. இதனால் கயானா அமேசன் வோரியஸ் அணி 3 விக்கெட்டுகளால் வெற்றிபெற்றது.

அணியின் அதிகபட்ச ஓட்டங்களாக, சிம்ரொன் ஹெட்மேயர் (71), சந்தர்போல் ஹெம்ராஜ் (19) ஓட்டங்களையும் பெற்றுக்கொண்டனர்.

இதில் சென்.கிட்ஸ்- நெவிஸ் பெட்ரியோட்ஸ் அணியின் பந்துவீச்சில், ராயட் எம்ரிட் 3 விக்கெட்டுகளையும், செல்டோன் கொட்ரெல் மற்றும் டொமினிக் ட்ரேக்ஸ் ஆகியோர் தலா 1 விக்கெட்டினையும் வீழ்த்தினர். போட்டியின் ஆட்டநாயகனாக, 4 விக்கெட்டுகளை வீழ்த்திய கீமோ போல் தெரிவு செய்யப்பட்டார்.