இது இரகசிய வாக்கெடுப்பு; ரணிலே வெற்றியீட்டுவார்! – ஹரீன் நம்பிக்கை

“புதிய ஜனாதிபதித் தேர்தலுக்கான நாளைய நாடாளுமன்ற வாக்கெடுப்பில் பதில் ஜனாதிபதி ரணில் விக்கிரமசிங்க வெற்றியீட்டுவார் என நான் நம்புகின்றேன்.”

– இவ்வாறு அமைச்சர் ஹரின் பெர்னாண்டோ தெரிவித்தார்.

அவர் மேலும் கூறுகையில்,

“இது ஓர் இரகசிய வாக்கெடுப்பு. ஜக்கிய மக்கள் சக்தி, தமிழ்த் தேசியக் கூட்டமைப்பு, ஸ்ரீலங்கா சுதந்திரக் கட்சி ஆகிய கட்சிகள் டலஸ் அழகப்பெருமவுக்கு வாக்களிக்கத் தீர்மானித்த போதிலும் அக்கட்சிகளின் எம்.பிக்கள் பலர் ரணில் விக்கிரமசிங்கவுக்கு வாக்களிப்பதாக உறுதியளித்துள்ளனர்.

ரணில் விக்கிரமசிங்க வெற்றி பெற்றதன் பின்னர் சர்வகட்சி அரசை உருவாக்குவார்” – என்றார்.