முல்லைத்தீவில் பண்டாரவன்னியன் வெற்றிநாள் நினைவு கூர்வு.

முல்லைத்தீவு கோட்டையை மாவீரன் பண்டாரவன்னியன் வெற்றிகொண்ட 217ஆம் ஆண்டு வெற்றி நாளினை, 25.08.2020 இன்றைய நாள் முன்னாள் வடமாகாணசபை உறுப்பினர்  துரைராசா ரவிகரன் அவர்கள் நினைவு கூர்ந்தார்.

முல்லைத்தீவு நகர்ப்பகுதியில் அமைந்துள்ள பண்டாரவன்னியனின் திரு உருவச் சிலைக்கு மலர்மாலை அணிவித்து, மலர்தூவி நினைவுகூரல்கள் மேற்கொள்ளப்பட்டன.

இந் நிகழ்வில் முன்னாள் வடமாகாணசபை உறுப்பினர்  துரைராசா – ரவிகரன் அவர்கள், கரைதுரைப்பற்று பிரதேசசபை உறுப்பினர்களான சின்னராசா – லோகேஸ்வரன், மரியநாயகம் தொம்மைப்பிள்ளை, ஓய்வுபெற்ற கிராம அலுவலர் ப.தெய்வேந்திரம், சமூக ஆர்வலர் ப.சுபாகரன் ஆகியோருடன் பெருந்திரளான மக்களும் இந்த வெற்றிநாள் நினைவுகூரலில் இணைந்திருந்தமை குறிப்பிடத்தக்கது.