மாணவனின் தலையில் துப்பாக்கியால் சுட்ட SIக்கு ரிமாண்ட்!

14 வயது மாணவரது தலையில் துப்பாக்கியால் சுட்ட சம்பவம் தொடர்பில் கைது செய்யப்பட்ட திஹகொட பொலிஸ் நிலைய உப பொலிஸ் பரிசோதகர் விளக்கமறியலில் வைக்கப்பட்டுள்ளார்.

சந்தேக நபர் மாத்தறை நீதவான் முன்னிலையில் ஆஜர்படுத்தப்பட்டு நவம்பர் 02 ஆம் திகதி வரை விளக்கமறியலில் வைக்கப்பட்டுள்ளார்.

மாத்தறை, திஹகொட, மிதெல்லவல பிரதேசத்தில் நேற்று (28) மாலை 4.30 மணியளவில் துப்பாக்கிச் சூடு இடம்பெற்றுள்ளது.

மாத்தறை, திஹாகொட, மிதெல்லவலவில் பொலிஸாரின் துப்பாக்கிச் சூட்டுக்கு இலக்காகி காயமடைந்த மாணவனின் நிலை , சத்திர சிகிச்சைக்கு பின் , வைத்தியசாலையில் அனுமதிக்கப்பட்ட போது இருந்ததை விட நல்ல நிலையில் இருப்பதாக வைத்தியசாலை வட்டாரங்கள் தெரிவிக்கின்றன.