බංග්ලාදේශය අයි.සී.සී. ලෝක කුසලාන සුපර් ලීග් එක්දින කණ්ඩායම් දර්ශකයේ මුල්තැනට

ශ්‍රී ලංකාවට එරෙහිව ප්‍රථම ද්වීපාර්ශවික එක්දින තරගාවලි ජය වාර්තා කළ බංග්ලාදේශ ක්‍රිකට් පිල අයි.සී.සී. ලෝක කුසලාන සුපර් ලීග් එක්දින කණ්ඩායම් දර්ශකයේ මුල්තැනට පැමිණීමට සමත්වී තිබෙනවා.

ඒ ඔවුන් සහභාගි වූ තරග 8 කින් 5 ක් ජයග්‍රහණය කරමින්.

ඒ අනුව, ඔවුන් ලබා ඇති ප්‍රසාද ලකුණු සංඛ්‍යාව 50 ක්.

එංගලන්තය එම දර්ශකයේ දෙවන ස්ථානයේ රැදි සිටින අතර, තුන්වන ස්ථානයේ රැදී සිටින්නේ පාකිස්ථානයයි.

ශ්‍රී ලංකාවට කණ්ඩායම් 12 කින් සමන්විත එම දර්ශකයේ හිමිව ඇත්තේ 12 වන ස්ථානයයි.

ලෝක කුසලාන එක්දින තරගාවලිය සඳහා ඍජුව සුදුසුකම් ලබන්නේ මෙම දර්ශකයේ පළමු කණ්ඩායම් 8 පමණයි. අනෙකුත් කණ්ඩායම් වලට සුදුසුකම් ලැබීමේ තරගාවලියකට සහභාගි වීමට සිදුවනවා.