ශ්‍රී ලංකාව අද දකුණු කොරියාව සමග තරග බිමට
2022 කටාර් ලෝක කුසලාන පාපන්දු තරගාවලිය සඳහා ආසියානු පැසිෆික් කලාපයේ සුදුස්සන් තේරීමේ තරගාවලියේ තවත් තරගයක් දකුණු කොරියාවේදී අද පැවැත්වෙනවා.
එහිදී ශ්‍රී ලංකා පාපන්දු පිල සත්කාරක දකුණු කොරියානු පිල සමග තරග වැදීමට නියමිතයි.
එච්. කාණ්ඩයේ තරග වදින ශ්‍රී ලංකා පිල තරග 5කදී මෙතෙක් කිසිදු ජයග්‍රහණයක් වාර්තා නොකළ ද අවසන් තරගයේදී ලෙබනනයට ප්‍රබල අභියෝගයක් එල්ල කළේ ගෝල 2 ට 3 ක් ලෙස පරාජයට පත්වෙමින්.