මිය ගිය ජනප්‍රිය නළු සුශාන්ත් සිං ගැන ඔහුගේ පෙම්වතිය සිදු කළ හෙළිදරව්ව
භාවප්‍රාප්ත හින්දි නළු සුශාන්ත් සිං පෙර සිටම ගංජා පානයට ඇබ්බැහිව සිටින බව ඔහුගේ පෙම්වතිය අපරාද පරීක්ෂණ දෙපාර්තමේන්තුව හමුවේ සාක්ෂි ලබා දී ඇතැයි ඉන්දිය මාධ්‍ය වාර්තා කරනවා.
පසුගිය වසරේ ජුනි මස 14 වනදා ජනප්‍රිය නළු සුශාන්ත් සිය නිවස තුළ දී ගෙළ වැලලාගෙන ජීවිතක්ෂයට පත් වුණා.
කෙසේ වෙතත් තවදුරටත් ඔහුගේ මරණ අභිරහසක් ලෙස පැවතීම විශේෂත්වයක්.
අදාළ මරණය සම්බන්ධයෙන් සිදු කළ පරීක්ෂණ හමුවේ, සුශාන්ත්ගේපෙම්වතිය මෙන්ම නිළියක වන රියා චක්‍රබෝති හට මත්ද්‍රව්‍ය ජාවාරම්කරුවන් සමඟ සබඳතා තිබු බවට අනාවරණ වුණා.
ඉන් අනතුරුව ඇය ඇතුළු පිරිසක් අත්අඩංගුවට ගැනීමයි අපරාධ පරීක්ෂණ දෙපාර්තමේන්තුව කටයුතු කළේ.
ජනප්‍රිය නළු සුශාන්ත් ගංජා භාවිත කිරීමට පුරුදුව සිටි බවත්, ඒ සම්බන්ධයෙන් ඔහුගේ ඥාතීන් දැනුවත්ව සිටි බවත් රියා පසුගිය දිනක අපරාධ පරීක්ෂණ දෙපාර්තමේන්තුව හමුවේ කියා සිටියා.
වැඩිදුරටත් අදහස් දක්වමින් ඇය සඳහන් කළේ, තමන්ව ආශ්‍රය කිරීමට පෙර සිට ඔහුට මෙම පුරුද්ද තිබු බවයි.
