අමෙරිකානුවන්ට කොරෝනා එන්නත් මාත්‍රා මිලියන 309ක් ලබා දෙයි
මේ වනවිට අමෙරිකානුවන්ට කොරෝනා එන්නත් මාත්‍රා තිස්කෝටි අනූතුන් ලක්ෂ විසි දෙදහස් පන්සීය හතලිස් පහක් ලබාදී ඇති බව සී.ඩී.සී. හෙවත් එරට රෝග පාලන හා වැළැක්වීමේ ආයතනය නිවේදනය කළා.
ඊයේ ප්‍රකාශයට පත් කෙරුණු දත්තවලට අනුව රට පුරා මේ වනවිට බෙදා දී ඇති එන්නත් මාත්‍රා සංඛ්‍යාව තිස්හත් කෝටි හතලිස් තුන් ලක්ෂ අනූ අට දහසකට අධිකයි.
කරුණාකර අපේ ෆේස්බුක් පිටුව ලයික් කරන්න!
අමෙරිකානුවන් දාහත් කෝටි තිස්අට ලක්ෂ හතලිස් දහසකට මේ වනවිට එක් එන්නත් මාත්‍රාවක් හෝ ලබාදී ඇති අතර, පූර්ණ එන්නත්කරණය ලැබූ සංඛ්‍යාව දාහතර කෝටි තිස්නව ලක්ෂ විසි එක් දහසකට අධිකයි.
අමෙරිකානුවන්ට මෙලෙස ලබාදී ඇත්තේ එන්නත් මාත්‍රා දෙකක් ලබාදෙන ෆයිසර් සහ මොඩර්නා එන්නත් මෙන්ම එක් මාත්‍රාවක් පමණක් ලබාදිය යුතු ජොන්සන් ඇන්ඩ් ජොන්සන් කොරෝනා එන්නත්.